Philemon 1:14 - Sei di Uka Ago Ruaka di Buka Bedakai

¹⁴ Idu ya ya diba nina koderi bi na ura de, ye yi vegu buni beika ura regiya, bi yi mokena dudu regiya, ma nai mokena dada bi de.

Philemon 1:14 ပူးပေါင်းရင်းမြစ်များ

1 Corinth vene 9:17

Adina na mina regi ura regida vonisi, bi mina moimai di obini moigida, idu ura de dudu vonisi, bi Sei yaku toga mina moimai regida di na nimaro.

1 Corinth vene 9:7

Kaere amiye yaku ini fore dudu iya rena amiye kana naivo rego? Kaere yaku waini meko di muro varisi bi ini meko irina de rego? O kaere yaku boromakau o gouti dogo resi ini miruka be bi irina de rego?

2 Corinth vene 1:24

Bi rama de yi mokena vari gira aena dudu, mina ya ourefeidegika resifa, idu yasa moimai resifa bi ya ada reyaganedi, ini adina, yi mokena vari gira aenari, bi are rei gira rededi.

2 Corinth vene 8:12

Adina Sei bi ura rego uka dadina bi amedo vonisi, amiye beika nufa kana, makai mago bi buni, ma beika koina kana makai de mago.

2 Corinth vene 9:5

Ye moiyaka bi buni uni usika ourena usa nigida, dobau ya egoru regi digedi, ma beika baika nitore reyadi bi dogo regedi. Mina bi yi uka buni dudu dogo dogo regedi, diya ago gira ya maida dada.

2 Corinth vene 9:7

Amiye neinei ini mokena kana maraine, diya ura de kana o amiye di yeiva dudu, adina Sei yaku ada dudu, beika baika mado amiye bi uka mado.