Philemon 1:10 - Sei di Uka Ago Ruaka di Buka Bedakai

¹⁰ Nai usa bi yomini: Onesimus rofu di, kaere bi dibura ideri amegamakari, nai mida kana niyo.

Philemon 1:10 ပူးပေါင်းရင်းမြစ်များ

Mark 9:17

Ye mina amiye tau gade fogori, amiye yokoi nikabai reyo, “Oteimana amiye, nai mida ya rofu afei baeyaka, kaere bi vima no dui resi moi babo riyo.

Rome vene 12:1

Mina dada nai usika ourena, na yaku Sei di iriyeduka dudu ya niguba reida ya vegu amegasa yi roaita Sei rofu mafa, ori sisika rena kana; mina bi Sei rofu kikifa ma ada rei mona rena kana, ma ka bi yi vima dudu Sei nivakena vegu.

1 Corinth vene 4:14

Ya moi maena regika, na yaku mina bura de reida, idu nai uka maida mida kana, ya ni mama regika dada.

1 Corinth vene 4:15

Adina yi nari rededi vene ka Keriso dudu bi 10,000 vonisi, yi bakai bi tau de. Adina na bi ago buni dudu Iesu Keriso rofu yi baba niyaka.

Galatia vene 4:19

Nai mida mida, na bi mida odigi gera rena kana, ya rofu dudusa esika amuteida bogo Keriso yi ideri amedo, mina vegida mamo.

Colossae vene 4:9

Ina bi Onesimus sa, kaere bi uni vegu rama rena uka masifa dubuini ma ya gobuno amiye yokoi. Ina roada yaku beika baika tau noibanu minari vata niyadi, mina ya nioteimagedi.

1 Timothy 1:2

Timothy, mokena vari gira aenari nai mida rama iniye, ya rofu bura reida: Baba Sei ma Iesu Keriso uni Varika amiye yaku buni tora gade, iriyeduka ma uka amuta ya maragane.

Titus 1:4

Titus, mina fefa bi ya rofu bura reida. Ya bi nai mida kana, adina ya bi nasa vakoi Sei rofu mokena vari gira aesifa. Sei uni Baba ma Iesu Keriso, kaere yaku bi uni Moi vegu rina amiye, yaku buni tora gade ma uka amuta ya maragane.

Philemon 1:11

Sena ina bi no iniye iniye ya rofu, idu gua bi ya rofu ma na rofu ka buni iniye niyo.

Philemon 1:13

Nai ura bi nasa amebiyaine, ye ago buni dada dibura ideri ameidari, bi yi sanari na aedego.

3 John 1:4

Beika vegu yokoi yaku de na moi ada redo, idu neideida bi nai mida mida bi sina rama regasa amededi.