Matthew 24:9 - Sei di Uka Ago Ruaka di Buka Bedakai

⁹ “Mina usi ya siri resi afei bosi esika esika ya masi ya umuyegedi, ma gagani gagani vene tau yaku nai roka dada ya rofu gubuyo regedi.

Matthew 24:9 ပူးပေါင်းရင်းမြစ်များ

Matthew 22:6

ma be yaku dadisi kini di moimai rei tavoi rededi vene moi gira resi vegu no resi umuyeyadi.

Matthew 23:34

Mina dada nai ago nidedi vene ma mokena tora vene ma ago gira oteimana vene ya rofu nifeidegida; be bi umuyesi be bi satauro ikoko resi be bi yi usa usa yavari buburu vai resi be bi taoni yokoi gutuna taoni be rofu umeki rebigedi.

Luke 11:49

Mina dada, Sei yaku ini mokena tora dudu ka niyo, ‘Nai ago nidedi vene ma nai nifeidena vene ina rofu nifeidegida; be bi umuyesi be bi esika esika magedi.’

Luke 21:12

Idu mina beika tau vata nina koderi, bi ya moisi esika esika masi usa usa yavari ma diburari ya kota reyainedi, kini ma gavana di nemokori nai roka dada ya afei bogedi.

John 15:18

“Kono tora noibanu di vene ya gubuyo rededi vonisi, ye vei mama refa, bi na rofu siko gubuyo resi mina usi ya ka gubuyo reyadi.

John 15:21

Idu nai roka dada mina tau vakoi ya fafau regedi, ye kaere na nifeideyo amiye toto dada.

John 16:2

Usa usa yava etofaro ya umeki regedi. Ye meda baego, ye kaere ya umuyego bi mokego ina bi Sei rofu naivo redo.

Moimai di vegu 28:22

Uni ura bi yi mokena sina neidegifa, ini adina una diba gagani tau yaku mina vene fafau ago no nidedi.”

Moimai di vegu 7:59

Fore dudu ugamadiri, bi raka nisi niyo, “Varika amiye Iesu, nai vima moi!”

1 Peter 4:16

Idu ekalesia amiye dada esika moigo vonisi bi, maena ga revo, idu Keriso di roka dudu Sei di roka moi odoro ri.

Niokuna sina 2:10

Beika baika dada esika esika moigi rofu bi ori ga refa. Neidefa, yi uka maina regika Bodaka yaku ya bedakai dibura yavari ya aego ma meda 10 ri toe moigedi. Gokai muyena tumu nigo, idu na rofu are rei gira re ma na yaku vegu ameibobina di obini ya magida.

Niokuna sina 2:13

Yi amededi sana na diba; Satani di ourefeidena amena fata bi mironari. Idu nai roka dada yi vegu buniri are rei gira rededi, ye vegu rama resi ninegau rena amiye Antipas di medari, yi mokena vari gira na rofu aena de youfeideyo. Ina bi yi utari muyeyo; Satani ini amedo sanari mironi.

Niokuna sina 7:14

Ma nikabai reyaka, “Amiye tora, ya ya diba.” Ye na rofu niyo, “Mina vene bi kaere esika esika gira gutuna bae desi Mamoe mida di dava dudu, ini varuka doba koitesi moi feyo riyadi.