Matthew 24:31 - Sei di Uka Ago Ruaka di Buka Bedakai

³¹ Ma kibi kukuroka tora dudu ini naivo naivo vima nifeidego, ma ini auba reyo vene kono tora noibanu gutuna oma berou berou noibanuri moi egogo regedi.

Matthew 24:31 ပူးပေါင်းရင်းမြစ်များ

Matthew 13:41

Amiye di mida yaku ini naivo naivo vima nifeidego ma Sei di ourefeidena amena sanari beika tau yaku vegu no rofu eyarededi ma kaere tau ago gira de neidededi butu resi

Matthew 24:22

Ye Sei yaku mina vegu no di ari de moi tumu reyagadu, amiye yokoi moi vegu de riyagadu, idu ini auba reyo vene dada mina ari moi tumu rego.

Matthew 24:24

Ini adina bi, keriso ofa vene ma Sei di ago nidedi ofa vene ogau nisi rebe tora tora ma mokena vegu dudu, Sei di auba reyo vene ka ofa dudu eru regedi, vata nigo vonisi bi.

Matthew 24:32

“Gua fuka yabo rofu mokefa. Ini bobo ruika fu nisi iye imu regori, ya bi diba nigedi amona bi bae negau nido.

Matthew 25:31

“Ma Amiye di mida ini naivo naivo vima tausa ini vabara nufa degori, ina bi ini vabara di ourefeidena amena fata fafau ameinu rego.

Matthew 28:18

Ma baesi niyo, “Oma ma konori vava tau vakoi bi na maro.

Mark 13:27

Ma ini naivo naivo vima nifeidego, ma ini auba reyo vene kono tora noibanu gutuna ma kono di berou berou noibanu gutuna oma berou berou noibanuri moi egogo regedi.

Luke 24:47

Dada Keriso di roka dudu vegu no feresi moi etagae rina ma vegu no koite makuna di ago ouresi Jerusalem gutuna gagani gagani vene tauri disi nirausi rei diga boga reyagane.

John 11:52

mirona vene dada maka de, idu Sei di mida mida gagani gaganiri rerevaida niyadi ka egogo resi moi yokoi maka rigo.

Rome vene 10:18

Idu nikaiteida: bi mina sina de neideyadi ba? Rama iniye neideyadi—ini adina: “Ini goroka bi kono tora noibanuri urafo rei diyo; ini ago kono di metonari boyadi.”

1 Corinth vene 15:52

Mina bi, kibi gabi koukou raka nigediri, nemoko fute rena kana vata nigo. Adina kibi raka nigo ma muyena vene bi iko de nigedi, dada moi dadi rae rego ma una moi idana rigedi.

Ephesus vene 1:10

Mina bi meda nemoko rama nigori, ini nirorotari reyo mokena dada, beika baika omari ma konori amededi tau noibanu Keriso dudu ukita rigo.

1 Thessalonica vene 4:16

Adina Varika amiye bi naivo naivo vima tora di goroka ma Sei di kibi kukuroka rena dudu, oma gutuna imuna nigasa dego, ma Keriso rofu mokena vari gira aesi muyeyadi vene siko dadi rae regedi.

2 Thessalonica vene 2:1

Uni Varika amiye Iesu Keriso di dairi dego inasa egogo regifari di sina bi yomakai: Nai usika ourena vene ya usa nisifa

Hebrew vene 12:19

ma kibi kukuroka ma goroka yokoi di ago neideyadi vene yaku guyaguya niyadi bi dudusa ina vene rofu ago ga niyainedi.

Niokuna sina 1:20

Mina iya 7 nai vana rama rofu veyo ma goro ramefa di aena gugura 7 di sui ago di adina bi yomakai: iya 7 bi dubu 7 di naivo naivo vima, ma ramefa di aena gugura 7 bi mina dubu 7.”

Niokuna sina 11:15

Kamini naivo naivo vima 7 ere yaku ini kibi fu reyori, omari goroka tora dudu raka niyadi, “Gua mina kono di ourefeidena amena sana bi uni Varika amiye ma ini Keriso di, ma ina yaku toga toga ourefeidebobigedi!”

Niokuna sina 7:1

Mina usi kono di eta berou berou 4 ri, naivo naivo vima 4 are reyadi ma veyaka. Ina yaku mina kono di eta berou berou 4 di aura kebi riyadi, ye konori, davara fafau o yabo yokoi odoro aura ga fu reyaganedi.

Niokuna sina 8:2

Ma Sei di budari are reyadi naivo naivo vima 7 veyaka ma kibi 7 bi maro.