Matthew 24:22 - Sei di Uka Ago Ruaka di Buka Bedakai

²² Ye Sei yaku mina vegu no di ari de moi tumu reyagadu, amiye yokoi moi vegu de riyagadu, idu ini auba reyo vene dada mina ari moi tumu rego.

Matthew 24:22 ပူးပေါင်းရင်းမြစ်များ

Matthew 22:14

“Adina tau gade bi roka niyo, idu bedakai maka auba redo.”

Matthew 24:24

Ini adina bi, keriso ofa vene ma Sei di ago nidedi ofa vene ogau nisi rebe tora tora ma mokena vegu dudu, Sei di auba reyo vene ka ofa dudu eru regedi, vata nigo vonisi bi.

Matthew 24:31

Ma kibi kukuroka tora dudu ini naivo naivo vima nifeidego, ma ini auba reyo vene kono tora noibanu gutuna oma berou berou noibanuri moi egogo regedi.

Mark 13:20

Ye Varika amiye yaku mina vegu no di ari de moi tumu reyagadu, amiye yokoi moi vegu de riyagadu, idu ini auba reyo vene dada, mina ari moi tumu rego.

Luke 18:7

Sei yaku gua ini auba resi moiyo vene, kaere uru ari ina rofu isaka nidedi, bi ini ago neidesi ini vegu moi rama rigo, ba ide? Kiya kiya aedego ba?

Rome vene 9:11

vata nina koderi vegu buni o no yokoi yaku rena koderi, Rebecca rofu niyo, “Ourena mida yaku usika mida di naivo rego.” Makai Sei di abidi rena di ida toga toga amebiyaine, ini reremama rena dada de, idu Sei di raka nina dudu maka.

2 Timothy 2:10

Mina dada beika tauri are rei gira reida, Sei di auba reyo vene rofu, ma Iesu Keriso dudu, toga toga ameibobina di vabara nufa, ka moi vegu rigo dada.

1 Peter 1:1

Na Peter, kaere bi Iesu Keriso di nifeidena amiye— Sei di auba reyo vene kaere bi Pontus, Galatia, Cappadocia, Asia ma Bithynia gagani gaganiri rerevaida nisi amededi vene idana kana rofu mina bura reyaka.