Matthew 22:44 - Sei di Uka Ago Ruaka di Buka Bedakai

⁴⁴ ‘Varika amiye yaku nai Varika amiye rofu niyo: Nai vana rama eta rofu ameinu re bogo na yaku yi tuma vene yi yuka aena sana kana rigida mamo.’

Matthew 22:44 ပူးပေါင်းရင်းမြစ်များ

Matthew 22:45

“Mina dada David yaku ‘Varika amiye’ vo niyo, ye gokai ida dudu ina bi ini tutubena?”

Matthew 26:64

Ma nikabai reyo, “Ya yaku niyo kana. Idu ya nida: Gua gutuna bi Amiye di mida Vava iniye amiye di vana rama rofu ameinu resi oma di seuya odoro debigo ma vegedi!”

Mark 16:19

Kamini Iesu Varika amiye ina vene rofu ago nioteimaro, gabi rofu bi Sei yaku omari afei boyo ma Sei di vana ramari ameyo.

Luke 19:27

Idu nai tuma vene, kaere yaku ura de reyadi na kini nigida, vo niyadi, bi afei baesi minari nai nemokori u vau refa!’ ”

John 20:28

Ye niyo, “Nai Varika amiye ma nai Sei!”

1 Corinth vene 1:2

Sei di ekalesia vene Corinth ri amededi rofu, kaere Iesu Keriso dudu moi akeke risi sana tauri ini ma uni Varika amiye Iesu Keriso di roka vo nidedi, ina vene vakoisa Sei di vene kana nigedi raka niyo:

1 Corinth vene 15:25

Adina ina yaku ourefeideyaine, resi bogo ini tuma vene tau noibanu ini vava egona rofu aego mamo.

Philippi vene 3:8

Idu rama, mina beika tau gade reyaka ka nai mokenari bi boiyo reyadi, adina nai Varika amiye Iesu Keriso diba nina, mina tau gade ebu redo. Ina dada, tau gade boiyo reyadi ma nai mokenari bi sanika maka, ye Keriso asanu resi

Hebrew vene 1:13

Kamini Sei ini naivo naivo vima yokoi rofu toga de yomakai niyo: “Nai vana rama eta rofu ameinu re bogo na yaku yi tuma vene yi yuka aena sana kana rigida mamo.”

Hebrew vene 1:3

Ina yaku Sei di vabara kikisi Sei iniye ogau nisi ini ago vava dudu beika baika tau vakoi moi gira redo. Uni vegu no koitesi bi omari Odoro iniye amiye di vana rama eta rofu ameinu reyo.

Hebrew vene 12:2

Resi Iesu rofu vei mona renadi, kaere bi uni mokena vari gira aena di kora resi moi rorobo iniye redo amiye. Ina bi gabi ada rego mina rofu, satauro di esika are rei gira resi maena rofu mokena tora de aesi Sei di ourefeidena amena fata di vana rama eta rofu ameinu reyo.

Niokuna sina 19:19

Ye tuma dona nadina ma kono tora noibanu di kini ini iya rededi venesa veyaka. Bi hosi odoro keu riyo amiye ma ini iya rededi vene ruda regi egogo reyadi.