Matthew 15:17 - Sei di Uka Ago Ruaka di Buka Bedakai

¹⁷ Diba de nidedi ba, beika vena ideri dui resi rivori gutuna nesi bi roaita yakudo?

Matthew 15:17 ပူးပေါင်းရင်းမြစ်များ

Matthew 15:16

Ye nikaiteyo, “Ya ka bi toga ada yora de ba?

Matthew 15:18

Idu beika bi vena gutuna yakudo bi uka mekori gutuna baedo, ye mina yaku amiye moi kino rido.

Mark 7:19

Adina bi ini uka mekori de dui redo, idu ini rivori maka ma ini roaitari yakudo.” Makai niyo, iruku tora noibanu bi ruaka maka moi rama aeyo.

Luke 6:45

Amiye buni yaku ini ukari beika mokedo bi buni dada, vegu buni moi baedo, ma amiye no yaku ini ukari beika mokedo bi no dada, vegu no moi baedo, adina beika bi uka ideri makudo, bi ini vena yaku nido mini.

1 Corinth vene 6:13

Amiye yaku ka nidedi, “Iruku bi uni rivo di, ma uni rivo bi iruku di.” Idu, Sei yaku mina remanu moi no rego. Idu roaita bi diya koa rena vegu di, idu bi Varika amiye di, ma Varika amiye bi uni roaita nari redo.

James 3:6

Ma afiye bi ita kana. Ina bi mokena rorobo de vegu tora noibanu vata baeyo. Uni roaita di eta yokoi asanu reyo ma roaita noibanu moi no risi uni amena ida tora noibanu bi ita kana vaido. Makai ye muyena sana yaku mina ita moi vaido.