Matthew 14:27 - Sei di Uka Ago Ruaka di Buka Bedakai

²⁷ Idu minari maka ina vene rofu niyo, “Uka gira nifa; na mini. Ori ga refa!”

Matthew 14:27 ပူးပေါင်းရင်းမြစ်များ

Matthew 14:28

Ma Peter yaku nikabai reyo, “Varika amiye ya vonisi bi, na ni kumo koru fafau ya rofu bae negida.”

Matthew 17:7

Ma desi avaka moisi niyo, “Ori ga resi dadifo!”

Matthew 28:10

Mina usi niyo, “Ori ga refa; bosi nai usika ourena nigedi Galilee urana boyaganedi. Mironari mamo na vegedi.”

Matthew 28:5

Idu Sei di naivo naivo vima yaku rema rofu niyo, “Ori ga refa, adina na na diba ya bi Iesu maina rededi, kaere bi satauro ikoko reyadi.

Matthew 9:2

Ye okiyori, amiye be yaku dibo anua amiye madunari ina rofu afei baeyadi. Iesu mina vene di mokena vari gira aena veifategasa mina dibo anua amiye rofu niyo, “Nai mida, mokei itu ga re! Yi vegu no bi koite makuyo.”

Mark 6:50

ina tau vakoi vesi ori reyadi dada. Idu minari maka Iesu ina vene rofu niyo, “Mina bi na; uka gira nisi ori ga refa!”

Luke 1:13

Idu naivo naivo vima yaku niyo, “Zechariah ori ga re, Sei yaku yi usa nina neideyo. Yi rema Elizabeth yaku yi mida yokoi evata rego, ini roka nigiya bi John.

Luke 1:30

Naivo naivo vima yaku niyo, “Mary, ori ga re, adina Sei bi sena ya rofu uka ada reyo.

Luke 12:32

“Ya amiye tau ori ga refa, adina yi Baba bi ini ourefeidena amena sana ya rofu magi ada redo.

Luke 2:10

Resi mina vene rofu niyo, “Ori ga refa, sina buni moi deyaka dada. Mina sina yaku amiye tau ada regedi.

Luke 5:10

Zebedee di mida remanu, James ma John, kaere bi Simon di asiyaka, ka tururu reyadi. Ma Iesu yaku Simon rofu niyo, “Ori ga re, gua ari gutuna bi oyena koda rena kana amiye nirutu regiya.”

John 16:33

Mina ago ya rofu niyaka, ye na dudu uka amuta baku regedi dada. Konori esika esika iniye moigedi. Idu yi uka moi gira rifa; na yaku kono di vegu ebu reyaka dada!”

John 6:20

Idu ina vene rofu niyo, “Na mini; ori ga refa!”

Moimai di vegu 23:11

Ari uveyo ma berou urusari, Varika amiye bi Paul adinari are resi niyo, “Uka gira moi! Na dada Jerusalem ri nai sina niokuyo, ye mina reyo kana bi Rome ri ka regiya.”