Mark 9:37 - Sei di Uka Ago Ruaka di Buka Bedakai

³⁷ “Kaere yaku nai roka dudu mida yokoi maka makai kana moi dui rego, bi na ka moi dui rego. Ma kaere yaku na moi dui rego, bi diya na maka moi dui rego, idu kaere na nifeideyo amiye, ka moi dui rego.”

Mark 9:37 ပူးပေါင်းရင်းမြစ်များ

Matthew 18:10

“Vei mona refa ya bi mina mida keika keika yokoi rofu gedu ga mafo. Adina bi ini nari rededi naivo naivo vima omari toga nai Baba omari amedo amiye di seira vegasa amededi.

Matthew 25:40

Ye Kini yaku nikabai rego, ‘Rama iniye ya nida, nai usika ourena yokoi roka de amiye rofu reyadi kana, ya bi na rofu reyadi mini!’

Mark 9:36

Resi mida keika yokoi moisi ini fogori moi are resi binu masi niyo,

Luke 10:16

Ini usi dina vene rofu niyo, “Kaere ya neidego, bi na neidego; ma kaere ya rofu gedu mago, bi na rofu gedu mago; ma kaere na rofu gedu mago, bi na nifeideyo amiye rofu gedu mago.”

Luke 9:48

niyo, “Kaere yaku mina mida nai roka dudu moi dui rego, bi na moi dui redo. Ma kaere yaku na moi dui rego, bi na nifeideyo amiye moi dui redo. Adina kaere yi fogori, ini mokenari roka tora de bi, ina bi tora iniye.”

John 10:30

Nai Baba nasa bi yokoi maka.”

John 13:20

Rama iniye ya nida: kaere na nifeidego amiye moi dui rego, bi na moi dui rego; ma kaere na moi dui rego, bi na nifeideyo amiye moi dui rego.”

John 5:23

ye amiye tau gade ini Mida kikifa regedi, Baba rofu rededi kana. Amiye kaere ini Mida kikifa de redo, bi Baba kaere nifeideyo ina ka kikifa de redo.

1 Thessalonica vene 4:8

Mina resi, kaere amiye mina ago masifa mina fufuta mago, bi amiye rofu mina fufuta de mado, idu mina bi Sei rofu fufuta mado, kaere yaku ini Vima kikifa ya mado.