Mark 9:32 - Sei di Uka Ago Ruaka di Buka Bedakai

³² Idu beika ago niyo bi ini adari de ufatesi nikaitegi ori reyadi.

Mark 9:32 ပူးပေါင်းရင်းမြစ်များ

Mark 16:14

Gabi rofu Iesu di amiye 11 iruku irigamadiri, bi ina rofu ogau niyo; ago gira maro mokena vari gira aeyaganedi. Ada gira regasa Iesu dadi rae reyo ma veyadi vene rofu mokena vari gira de aeyadi.

Mark 7:18

Ma ina rofu niyo, “Ye ya ka bi ada yora de ba? Diba de nidedi ba, beika amiye etofarori ini roaitari dui rego yaku moi kino de rigo?

Mark 8:33

Idu Iesu kero resi ini usi dina vene vesi Peter besenai ago maro, “Satani, nai fufuta rofu ne, adina ya bi Sei di mokena kana de moisa, idu amiye di mokena moisa.”

Mark 9:10

Mina ago bi neidei mokesi iniye maka nidodi reyadi, “Muyenari dadi rae rena bi beika?”

Luke 18:34

Idu ini usi dina vene bi mina sina niyori, bi ini adari ufatena de reyadi. Mina sina di rama bi ina vene di mokenari sui niyo, ma ini beika nigamo bi ina vene ka ina toto.

Luke 2:50

Ini ago bi neideyadi, idu sina di rama bi diba de niyadi.

Luke 24:45

Dada Sei di agori beika bura reyadi vei mama reyaganedi ini mokena moi vabara risi

Luke 9:45

Idu beika ago niyo bi ini adari de ufateyadi. Ma mina sina bi ina rofu sui niyo, ye ga veifateyagane. Ye mina ago rofu nikaitegi ori reyadi.

John 12:16

Ouresi ini usi dina vene mina tau diba de niyadi. Idu Iesu dadi rae resi vabara moiyori, bi mokeyadi beika baika ina fafau bura reyadi ma beika baika bi ina rofu reyadi.

John 16:19

Iesu diba niyo ina nikaitegi regamadi, ye niyo, “Nai ago niyaka, ‘Doba deri de na vegedi, ma gabi doba deri dudusa na vegedi’; mina bi beika iniye iniye usa nidedi ba?

John 4:27

Minari maka ini usi dina vene dairi okisi ma remasa ago nigasa amedo mina vesi tururu reyadi. Idu yokoi yaku de nikaiteyadi, “Ya beika ura reisa?” o, “Beika resi ya mina remasa ago nisa?”