Mark 9:25 - Sei di Uka Ago Ruaka di Buka Bedakai

²⁵ Iesu yaku amiye tora gade urana baeyadi vegasa bi ago gira vima no rofu masi niyo, “Ya anema kora ma vena babo vima no, ya rofu ago gira maida, mina mida di roaitari yakusi dudusa dui rena ga re!”

Mark 9:25 ပူးပေါင်းရင်းမြစ်များ

Matthew 12:22

Mina usi vima no nufa amiye yokoi kaere bi babo ma ne taufa afei baeyadi ma Iesu yaku moi buni riyo, ye gagani vesi ago niyo.

Matthew 17:18

Ye vima no besenai ago maro ma yakuyo ma mina meda nemokori maka mina mida moi buni riyo.

Mark 9:15

Minari maka, amiye tau gade Iesu vegasa vima disi raga bosi buni maradi.

Mark 9:24

Ma evade maka, mida di baba yaku raka nisi usa niyo, “Nai mokena vari gira keika aeda bi na aede ye tora nigo!”

Mark 9:26

Kamini vima no raka tora nisi mina mida bi moi tururu resi ini roaitari yakuyo. Ye mida bi muyena asini varegamo, ye amiye tau yaku niyadi, “Rama iniye muyeyo!”

Luke 11:14

Kamini Iesu yaku babo vima no yokoi meki regamo. Mina vima no yakuyori, bi mina amiye ago niyo, ma amiye tau gade tururu reyadi.

Luke 4:35

Ma emasi niyo, “Babo nisi mina amiye rofu yakusi di!” Ma amiye ini fogori moisi konori maku nesi ini roaitari yakusi ferei diyo. Idu esika yokoi de maro.

Luke 4:41

Ma vima no ka amiye tau gade rofu yakusi ababa niyadi, “Ya bi Sei di mida!” Idu Iesu besenai ago masi ago ga niyaganedi niyo, adina ina diba ina bi Keriso.

Luke 8:29

Mina kana niyo, ini adina bi Iesu yaku sena mina vima no niyo yakuyainedi. Seini dudu yuka vana ukita risi nari regamadi, ye meda tau vima no yaku moiyo ma mina seini moi ubaki reyo ma gagani autu sanari moi afei bogamo.

Luke 9:42

Mina mida afei boyori, vima no yaku konori maku nesi moi tururu reyo. Idu Iesu yaku mina vima no rofu nikaka resi mida moi buni risi ini baba dairi maro.

Moimai di vegu 16:18

Mina bi ari tau gade reyo, mina dada Paul bi uka esika reyo, ye ne kero resi mina vima no rofu niyo, “Iesu Keriso di roka dudu ya ago gira maida ina rofu yaku di!” Mina niyo metonari maka vima no bi ina rofu yaku diyo.

Jude 1:9

Idu Michael, naivo naivo vima tora iniye, Bodakasa kayamo reyadi, kaere yaku Moses di roaita moigo mina. Mina medari, Michael iniye yaku Satani nifafana de reyo. Idu yomakai maka niyo, “Varika amiye yaku ini kaunava ya mago!”