Mark 9:21 - Sei di Uka Ago Ruaka di Buka Bedakai

²¹ Iesu yaku mina mida di baba nikaiteyo, “Gokaisanu meda mina gauka baku reyo?” Ma nikabai reyo, “Ina mida kakuari gutuna.

Mark 9:21 ပူးပေါင်းရင်းမြစ်များ

Mark 5:25

Rema yokoi bi lagani 12 rema di gauka guraugamo.

Mark 9:20

Mina mida afei boyadi. Vima no yaku Iesu vegasa minari maka moi tururu reyo. Mina mida konori maku nesi etagae riyo ma buyo buyo resi vena kabudo regamo.

Mark 9:22

Ari tau gade vima no yaku ka moisi ita mokari ma koruri makuyo muyeyaine. Idu ya mokeisa bi regiya vonisi, buni bi una iriyeduka resi una aede!”

Luke 13:16

Mina rema bi Abraham di tutubena, kaere bi Satani yaku lagani 18 moi gira regamo; Sabati medari de erufugiya, ba?”

Luke 8:43

Rema yokoi bi lagani 12 rema di gauka guraugamo. Ini fore tau gade gauka dogo vene rofu makuyo, idu yokoi yaku moi buni de riyo.

John 9:1

Iesu bogasa ne taufa vata niyo amiye veyo

Moimai di vegu 14:8

Lystra taoniri bi yuka no amiye yokoi amegamo, kaere bi vata nisi yuka no niyo. Ina ka bi nana de regamo.

Moimai di vegu 3:2

Amiye yokoi yuka no vata niyo bi uakaiyadi. Ari neinei Sei nivakena yava di ida vena roka “buni iniye” atafuri moi bosi dui rei bogamadi vene rofu fore usa usa nigi aegamadi.

Moimai di vegu 4:22

Mina amiye, kaere bi mina moi buni riyo rebe ina fafau reyo, di lagani bi 40 ebu reyo.

Moimai di vegu 9:33

Mironari bi amiye yokoi ini roka bi Aeneas baku reyo. Mina amiye bi dibo anua amiye lagani 8 ekamari maka varegamo.