Mark 6:14 - Sei di Uka Ago Ruaka di Buka Bedakai

¹⁴ Ye kini Herod yaku beika vata nigamo bi neideyo, adina ini roka bi gagani tauri ogau nigamo. Amiye yaku nigamadi, “John Baptist bi muyena gutuna dadi rae reyo. Mina resi bi mokena vegu redo.”

Mark 6:14 ပူးပေါင်းရင်းမြစ်များ

Matthew 9:31

Idu disi mina gagani tora noibanuri ini beika reyo mina niokuyadi.

Mark 1:28

Kamini evade Galilee gagani tora noibanuri ini sina urafo rei diyo.

Mark 1:45

Idu mina amiye yaku disi mina ago nirausi regasa gagani noibanuri digamo. Iesu rofu ago tora niyadi mina resi taoni ariara ma dina bi de reyo. Ye ina bi gagani autu sanari amei digamo, idu amiye gagani gagani tau ina vegika toga okigamadi.

Mark 8:28

Ye nikabai reyadi, “Be yaku nidedi ya bi John Baptist, be yaku nidedi bi Elijah, ma be yaku nidedi bi Sei di ago niyo amiye yokoi.”

Luke 13:31

Mina medari, Pharisee vene be Iesu rofu baesi niyadi, “Ya mina sanari feresi sana be yokoiri di, adina bi Herod yaku ya umuyegedi mokena moido.”

Luke 3:1

Tiberius Caesar bi lagani 15 varika amiye ni amegamori, Pontius Pilate bi Judea di gavana, ma Herod bi Galilee di gavana. Herod di ourena, Philip, bi Iturea ma Tranchonitis di gavana, ma Lysanias bi Abilene di gavana.

Luke 7:17

Kamini mina vegu di sina bi Judea gagani tau ma ina adina gagani negau tauri urafo reyo.

Luke 9:19

Ye nikabai reyadi, “Be yaku nidedi ya bi John Baptist, be yaku nidedi bi Elijah, ma be yaku nidedi bi senagi senagi Sei di ago niyo amiye yokoi, vegu nisi dairiyo.”

1 Thessalonica vene 1:8

Adina Varika amiye di ago bi ya rofu Macedonia ma Achaia ri maka de yakuyo, yi mokena vari gira aena Sei rofu di sina bi gagani gagani tau ka diba niyadi. Mina resi, minari beika yokoi de nigifa,

Hebrew vene 2:4

Mironari Sei ka ini ura dada rebe, mokena vegu bedakai ma beika baika Vima kikifa yaku rau reyo, mina tau dudu mina ago bi rama, mina fafau ninegau regi tanu reyo.