Mark 16:14 - Sei di Uka Ago Ruaka di Buka Bedakai

¹⁴ Gabi rofu Iesu di amiye 11 iruku irigamadiri, bi ina rofu ogau niyo; ago gira maro mokena vari gira aeyaganedi. Ada gira regasa Iesu dadi rae reyo ma veyadi vene rofu mokena vari gira de aeyadi.

Mark 16:14 ပူးပေါင်းရင်းမြစ်များ

Matthew 11:20

Taoni bedakairi Iesu yaku mokena vegu tau reyo mina amiye bi ini vegu no de feresi moi etagae riyadi, ye bi emaro.

Matthew 17:20

Ye nikabai reyo, “Yi mokena vari gira aena bi keika dada. Adina rama ya nida, yi mokena vari gira aena bi mastadi di yoya kana vonisi, bi yomina omuna rofu nigedi, ‘Ya kaya mironari etagae ri,’ vo nigediri, mina omuna rei bogo. Ye beika yokoi ya rofu bi anua regedi!”

Matthew 28:17

Ina veyadiri, bi nivakeyadi, idu be bi mokei itua reyadi.

Mark 7:18

Ma ina rofu niyo, “Ye ya ka bi ada yora de ba? Diba de nidedi ba, beika amiye etofarori ini roaitari dui rego yaku moi kino de rigo?

Luke 24:11

Idu mokeyadi mina rema di ago bi tavoi reyadi, ye mokena vari gira de aeyadi dada.

Luke 24:25

Kamini Iesu yaku ina vene rofu niyo, “Ya vene bi ada de iniye; yi mokena bi mukuna tora. Sei di ago nidedi vene di ago tau bi mokena vari gira de aededi!

John 20:25

Ye ini usi dina vene yaku niyadi, “Una yaku Varika amiye veyafa!” Idu niyo, “Ini vanari ikoko imiyadi sana vesi nai ebuna de aesi nai vana ini aveta ideri aegida vonisi, bi toga mokena vari gira de aegida.”

John 20:26

Gabi fura yokoi koina niyori, ini usi dina vene bi dudusa yava ideri amegamadi ma Thomas bi inasa. Bi yava ida biri risi ae gira reyadi, idu Iesu ini utari baesi are resi niyo, “Uka amuta bi yasa.”

John 20:27

Resi Thomas rofu niyo, “Yi ebuna minari aesi nai vana ve; yi vana roto risi nai aveta ideri ae. Mokena vari gira de aena ga re, idu mokena vari gira ae!”

John 21:1

Mina usi Iesu dudusa ini usi dina vene rofu Tiberias moka daidai tora adinari ogau niyo. Mina bi yomakai vata niyo:

John 21:14

Mina bi uru regode Iesu ini usi dina vene rofu ogau niyo ini muyena gutuna rae rena fufutari.

Moimai di vegu 1:3

Ini esika esika moiyo fufutari, bi vegu nisi ari yokoi yokoiri meda 40 ideri ini vene rofu baesi ogau nigamo. Rama iniye baesi ogau nigamo dada mina vegamadiri, bi mokei anua de reyadi; rama ina bi dudusa vegu nisi ina vene rofu Sei di ourefeidena amena sana di vegu mina nioteimagamo.

1 Corinth vene 15:5

Peter rofu siko ogau nisi ini nifeidena vene 12 rofu ka ogau niyo.

Niokuna sina 3:19

Ura reida amiye tau emasi (ini vegu moi rorobo risi) buburu vai reida; mina dada yeiva moisi vegu no feresi moi etagae ri.