Mark 15:32 - Sei di Uka Ago Ruaka di Buka Bedakai

³² Mina Keriso, Israel di kini, satauro gutuna soka rei deyaine vesi kumo ina rofu mokena vari gira aegifa!” Ma kaere bi inasa satauro ikoko reyadi, ka nifafana reyadi.

Mark 15:32 ပူးပေါင်းရင်းမြစ်များ

Matthew 1:17

Ye Abraham gutuna deyo David di tutubena bi 14; David gutuna amiye nifeideyadi ma Babylon ri amegamadi di tutubena ka bi 14, ma amiye nifeideyadi ma Babylon ri amegamadi gutuna Keriso vata niyo di tutubena ka bi 14.

Matthew 27:42

“Amiye be bi moi vegu riyo, idu iniye bi makai regi anua rego! Ina bi Israel di kini; satauro gutuna soka rei deyaine mamo ina rofu mokena vari gira aegifa!

Matthew 27:44

Ma duma duma amiye kaere bi inasa satauro ikoko reyadi ka nifafana reyadi.

Mark 15:26

Ini no nikake regi bi yomakai bura reyadi: “Jew vene di kini.”

Mark 15:27

Kamini duma duma amiye remanu inasa satauro ikoko reyadi, yokoi bi ini vana rama rofu ma yokoi bi ini vana enana rofu.

John 1:49

Ma nikabai reyo, “Oteimana amiye, ya bi Sei di mida; ya bi Israel di Kini!”

John 12:13

Resi vatoru iye moisi baku regika nesi raka niyadi, “Sei di roka moi odoro ri! Sei yaku buni tora gade maro, kaere bi Varika amiye di rokari baedo; mina bi Israel di kini!”

Rome vene 3:3

Ye bedakai yaku mokena vari gira de aeyadi vonisi, bi beika? Ini mokena vari gira de aena bi Sei di vegu rama rena moi koina nigo ba?

2 Timothy 2:18

kaere bi ago rama dada rerevaida ni diyadi; ini ago niyadi bi amiye muyenari gutuna dadi rae rena bi sena koina niyo. Ye amiye bedakai di mokena vari gira aena bi uyareyadi.