Mark 15:15 - Sei di Uka Ago Ruaka di Buka Bedakai

¹⁵ Ye amiye tau di uka moi ada regi, Pilate yaku Barabbas ina vene rofu erufusi ago masi Iesu iya rededi vene di vanari aeyo, buburu vai resi satauro ikoko reyaganedi.

Mark 15:15 ပူးပေါင်းရင်းမြစ်များ

Matthew 20:19

resi tutubena idana vene di vanari aegedi ma nikurusi buburu vai resi satauro ikoko reyaganedi; idu gabi meda regodenuri dudusa dadi rae rego.”

Matthew 27:26

Mina usi ina vene rofu Barabbas erufuyo; idu ago gira maro ma Iesu buburu vai reyadi ma satauro ikoko reyaganedi iya rededi vene di vanari aeyo.

Mark 10:34

Ina rofu nikurusi ayaka su resi umuyegedi. Idu gabi meda regoderi, dudusa dadi rae rego.”

Mark 15:14

Idu nikaiteyo, “Beika resi, ina bi beika vegu no be reyo?” Idu besa imuna niyadi, “Satauro ikoko re!”

Luke 18:33

buburu vai resi umuyegedi. Idu gabi meda regodenuri, dudusa dadi rae rego.”

Luke 23:16

Ye nigida ma buburu vai resi nifeidegedi.”

John 19:1

Kamini Pilate Iesu afei boyo ma buburu vai reyadi.

John 19:16

Mina usi iya rededi vene di vanari aeyo satauro ikoko reyaganedi. Mina resi moiyadi

Moimai di vegu 24:27

Felix ini mokena bi Jew vene yaku ina rofu uka ada reyagane, mina resi bi Paul dibura yavari fereyo. Lagani remanu koina niyori, Porcius Festus yaku gavana nina sana moiyo.

Moimai di vegu 25:9

Ye Festus bi Jew vene di uka moi ada regi Paul rofu niyo, “Ya ura reisa ba ide, Jerusalem ri bogiya ma nai nemokori mina no fafau kota regida?”

Galatia vene 1:19

Idu nifeidena amiye yokoi de veyaka, idu Varika amiye di dubuini James maka.

1 Peter 2:24

Iniye ini roaitari uni vegu no satauro odorori uakaiyo, ye gokai vegu no dudu muyesi vegu rorobo dudu amegifa. Mina bi ini ara yaku ya moi buni riyadi.