Mark 14:61 - Sei di Uka Ago Ruaka di Buka Bedakai

⁶¹ Idu bi bere nisi ago yokoi de nikabai reyo. Dudusa Sei ma amiye utari naivo amiye tora yaku nikaiteyo, “Ya bi Keriso kaere bi Sei buni tora gade mado di Mida ba?”

Mark 14:61 ပူးပေါင်းရင်းမြစ်များ

Matthew 16:16

Ye Simon Peter nikabai resi niyo, “Ya bi Keriso, toga amedo Sei di mida.”

Matthew 3:17

Ma goroka yokoi oma gutuna degasa niyo, “Mina bi nai uka maida mida, kaere bi ina rofu ada tora gade reida.”

Matthew 8:29

Ma evade raka nisi niyadi, “Sei di mida, beika resi una rofu baesa? Gua meda okina koderi esika esika una magi minari baeyo ba?”

Mark 14:60

Kamini Sei ma amiye utari naivo amiye tora yaku dadisi ina vene di nemokori nikaiteyo, “Ya bi nikabai regiya ba ide? Mina ago ya rofu nikake rededi bi beika be nigiya?”

Mark 15:2

Ye Pilate yaku nikaiteyo, “Ya bi Jew vene di kini ba?” Ma nikabai reyo, “Ya bi mina niyo.”

John 1:34

Ma na bi vesi niokuyaka ina bi Sei di mida.”

John 10:24

Ye Jew vene egogo resi dai buru risi nikaiteyadi, “Una bi ya dada mokena moigasa amei baesifa, ye goivaka medari ya yaku una nigiya? Ya bi rama Keriso ba de? Una ni mona re.”

John 10:36

Nai Baba na abidi resi konori na nifeideyo. Idu niyadi, ‘Ya yaku Sei di roka moi no riyo,’ adina ‘Na bi Sei di mida,’ vo niyaka dada.

John 18:37

Mina dada Pilate yaku nikaiteyo, “Makai bi, ya bi kini ba?” Ma nikabai reyo, “Ya nisa na bi kini. Na vata nisi mina konori okiyaka bi mina rofu, ago rama rofu niogau regika dada. Kaere bi ago rama di, bi nai ago neidego.”

John 19:7

Jew vene nikabai reyadi, “Una bi ago gira nufa ma mirona ago gira dada bi muyeyaine, ina kaya moi Sei di mida niyo dada.”

John 19:9

ma ini ourefeidena yava torari dairi bosi Iesu nikaiteyo, “Ya bi goidu gutuna baeyo?” Idu ago yokoi de niyo.

Moimai di vegu 8:32

Sei di ago bura rena vegamo bi mini: “Mamoe umuyegika afei boyadi kana, ma mamoe mida di ueta nugadedi vene di budari babo nido kana, bi ago yokoi de niyo.

1 Timothy 1:11

Mina oteimana ago bi Sei buni tora gade mana di ago buni di vabara dudu; ina yaku mina ago na nimaro.

1 Timothy 6:15

Mina bi ari ramari, Sei yaku moi ogau rigo, ina kaere bi buni tora gade maro Ourefeidena amiye yokoi maka; kini vene di Kini ma varika vene di Varika amiye mini.

1 Peter 2:23

Adina bi ago esika toe maradiri, mina toe dairi nikabai de reyo. Esika esika gurauyori, amiye ni moi ori ago mana de reyo, idu ini uka mokena Sei kaere mokena rorobo dudu amiye kota rego di vanari aegamo.