Mark 11:14 - Sei di Uka Ago Ruaka di Buka Bedakai

¹⁴ Kamini mina fuka yabo rofu niyo, “Amiye yokoi toga toga ya rofu meko ga iriyaine!” Ma ini usi dina vene mina ago neideyadi.

Mark 11:14 ပူးပေါင်းရင်းမြစ်များ

Matthew 21:19

Ye idau fuka yabo vesi atafu baeyo, idu iye notoka baku resi niyo, “Ya bi toga toga meko ga vare!” Minari maka mina yabo abiye niyo.

Matthew 21:33

“Mokena ago yokoi neidefo: Yava biyaguna amiye yokoi bi waini meko muro varisi kota mina buru risi waini meko itei rina di kono ruba goesi ota rina vene di fata risi muro nari rena vene be ini nanaka moigika nimasi yava ika oto diyo.

Matthew 21:44

Ma kaere mina fore fafau keto rego bi rei vau uratokugo, ma mina fore kaere fafau yarego bi mina amiye foyoma rego ma budoka nigo.”

Matthew 3:10

Sei bi yabo meko buni de varededi bi nu makusi ita fafau you bogo. Viro bi yabo daruri sena aeyadi ma yabo neinei meko buni de varededi bi nu makusi ita fafau you bogedi.

Matthew 7:19

Yabo tauri meko buni de varededi mina yabo bi nugasi ita mokari ori kamu rededi.

Mark 11:13

Ye gaima gutunari, bi fuka yabo kana yuveita iye nufa vesi vegika fuka be baku rego ba ide atafu baeyo. Idu atafu baeyori, bi yuveita iye maka baku reyo, adina mina bi diya meko varena meda.

Mark 11:15

Kamini Jerusalem okiyadi ma Iesu bi Sei nivakena yavari dui resi bi sero rena vene ma voi rena vene umeki rei feidegi kora reyo. Fore senesi rena vene di teiboro ma pune erena sero rena vene di amena fata moi evaivo riyo.

John 15:6

Yokoi yaku nai ideri de amego vonisi, bi teteka you makugo ma abiye nigo kana; ye teteka moi egogo resi itari you negedi ma vaigedi.

2 Peter 2:20

Ye mina vene, kaere mina kono tora noibanu amiye di vegu no uni Varika amiye ma Moi vegu rina amiye Iesu Keriso di diba nina dudu ori diyadi vonisi, bi dudusa no yaku ina moi burivai resi ourefeidegori, mina ariri bi no iniye iniye nigo, ini amei kora rena kana de.

Niokuna sina 22:11

No redo amiye toga no reyaine, ma mokena no yogo nido amiye toga yogo niyaine, ma mokena rorobo nufa amiye bi toga rama reyaine, ma kikifa redo amiye bi toga kikifa reyaine.”