Mark 10:18 - Sei di Uka Ago Ruaka di Buka Bedakai

¹⁸ Ma Iesu yaku niyo, “Beika resi na rofu bi buni vo nisa? Amiye yokoi bi buni de; Sei iniye maka bi buni.

Mark 10:18 ပူးပေါင်းရင်းမြစ်များ

Matthew 19:17

Ma Iesu yaku niyo, “Beika resi buni vo nigasa na nikaiteisa? Amiye yokoi maka bi buni. Ya ura reisa mina vegu buni dui regiya vonisi, bi ago gira neidegasa rebi.”

Mark 10:17

Kamini bi ida nana regamori, amiye yokoi raga bosi ini budari efuka meimisi usa niyo, “Oteimana amiye buni, beika regida bi toga toga ameibobina vegu moigida?”

Mark 10:19

Ya ya diba ago gira di ago bi: ‘Amiye umuyena ga re; koa ga re; duma duma ga re; amiye di vegu fafau ofa ofa ago ga ni; amiye rofu moi ofa nina ga re; yi nono baba emagui re.’ ”

Luke 18:19

Ma Iesu yaku niyo, “Beika resi na rofu bi buni vo nisa? Amiye yokoi bi buni de, Sei iniye maka bi buni.

Rome vene 3:12

Ina tau vanu gedu maradi; tau vakoi yaku tavoi reyadi; yokoi de yaku buni redo, yokoi maka ide iniye.

James 1:17

Beika baika neinei bi buni ma rorobo maro bi odoro gutuna dedo, mina bi vabara di Baba gutuna, kaere agubo de kana, ini mokena moi kero de redo.

1 John 4:16

Mina ye, Sei una uka mado, mina una una diba ma ina rofu mokena vari gira aesifa. Sei bi uka mana amiye, ma kaere amiye uka manasa amedo, bi Sei sa amedo ma ina ka inasa amedo.

1 John 4:8

Ma amiye kaere uka mana de redo, bi ina bi Sei ina toto, adina Sei bi uka mana amiye.