Mark 1:39 - Sei di Uka Ago Ruaka di Buka Bedakai

³⁹ Ye Galilee gagani tau vakoiri disi ini usa usa yavari ago nirausi resi vima no meki regamo.

Mark 1:39 ပူးပေါင်းရင်းမြစ်များ

Matthew 4:23

Ye Iesu Galilee gagani tau vakoiri ini usa usa yavari disi oteimasi Sei di ourefeidena amena sana di ago buni nirausi resi gauka tau amiye utari moi buni rigamo.

Matthew 9:35

Ma Iesu yaku taoni ma rautu tau gaderi disi ini usa usa yavari oteimasi Sei di ourefeidena amena sana di ago buni nirausi resi gauka ma esika tau gade moi buni rigamo.

Mark 1:21

Iesu bi ini usi dina venesa Capernaum taoniri boyadi ma evade Sabati medari usa usa yava ideri dui resi amiye nioteimagi kora reyo.

Mark 1:23

Mina ituari maka, amiye yokoi vima no nufa usa usa yavari raka niyo,

Mark 1:38

Ma nikabai reyo, “Berou rautu eta rofu boi nenadi, ma mironari na ka ago nirausi regida, adina na bi mina dada deyaka.”

Mark 3:1

Kamini Iesu bi dudusa usa usa yavari dui reyo ma minari bi vana kevo amiye yokoi amegamo.

Mark 7:30

Ina bi rautu disi veitao reyori, ini mida bi varegamo ma vima no bi diyo.

Luke 4:41

Ma vima no ka amiye tau gade rofu yakusi ababa niyadi, “Ya bi Sei di mida!” Idu Iesu besenai ago masi ago ga niyaganedi niyo, adina ina diba ina bi Keriso.