Luke 9:55 - Sei di Uka Ago Ruaka di Buka Bedakai

⁵⁵ Idu kero resi emaro.

Luke 9:55 ပူးပေါင်းရင်းမြစ်များ

Matthew 16:23

Idu kero resi ina rofu niyo, “Satani, nai fufuta rofu di! Ya bi yabo daru kana nai ida gana rido, adina ya bi Sei di mokena kana de moisa, idu amiye di mokena moisa.”

Matthew 26:33

Idu Peter nikabai resi niyo, “Mina tau ya feresi ori digedi, idu na bi toga de ya feresi ori digida!”

Matthew 26:41

Nemoko kikigasa usa usa nifa kumo yi uka maina regika nivego baebu. Vima bi regi ura redo, idu roaita bi afi niyo.”

Matthew 26:51

Ma yokoi kaere bi inasa yaku ini bainasi moi yakusi kuaita resi Sei ma amiye utari naivo amiye tora di moimai rei tavoi redo amiye di anema nugai feideyo.

Luke 9:54

Ini usi dina amiye remanu, James ma John, mina vegu vegasa niyadi, “Varika amiye, gokai mokeisa, ita omari nigifa ma desi vai vau rego ba?”

Luke 9:56

Kamini rautu yokoiri boi neyadi.

John 16:9

Mina bi vegu no dada, adina na rofu mokena vari gira de aededi;

James 3:10

Buni tora gade mana ma nikiraini rena ago bi mina vena yokoi maka gutuna rausi redo. Nai usika ourena, mina kana bi ga vata niyaine!

1 Peter 3:9

Ya rofu vegu no regori dairi, vegu no ga refa, o ya kovai nigori, dairi kovai ga nifa. Makai bi de, idu buni tora gade dairi mafa, ini adina Sei yaku mina dada ya raka niyo, ye buni tora gade magedi dada.

Niokuna sina 3:19

Ura reida amiye tau emasi (ini vegu moi rorobo risi) buburu vai reida; mina dada yeiva moisi vegu no feresi moi etagae ri.