Luke 9:44 - Sei di Uka Ago Ruaka di Buka Bedakai

⁴⁴ “Toto ga nifo na beika ya nigi reida bi! Adina Amiye di mida bi amiye di vana rofu siri regi redo.”

Luke 9:44 ပူးပေါင်းရင်းမြစ်များ

Matthew 16:21

Mirona itua baeyori, ini usi dina vene rofu nirorotari regi kora reyo, ina bi Jerusalem ri bosi tora vene, Sei ma amiye utari naivo vene di varika vene, ma ago gira oteimana vene di esika esika tau moiyaine, ma umuyegedi ma gabi meda regodenuri dudusa dadi rae rego.

Matthew 26:2

“Ya ya diba meda remanu usi bi Ferei ebu rena irakuna vata nigo, ma Amiye di mida bi satauro ikoko regedi vene di vanari aegedi.”

Mark 8:31

Kamini nioteimagi kora reyo, “Amiye di mida bi esika esika tau moiyaine ma tora vene, Sei ma amiye utari naivo vene di varika vene, ma ago gira oteimana vene yaku fufuta masi umuyegedi, ma gabi meda regodenuri dudusa dadi rae rego.”

Mark 9:31

adina ini usi dina vene oteimagasa niyo, “Amiye di mida bi amiye di vanari siri rego ma umuyegedi, ma meda regodenu koina nigori, dadi rae rego.”

Luke 1:66

Mina sina neideyadi vene tau yaku mokesi niyadi, “Mina mida yaku beika vegu moi ogau rigo?” Adina Varika amiye di vava bi mina mida fafau amedo mini.

Luke 18:31

Kamini ini amiye 12 moi gaima risi niyo, “Neidefa, una bi Jerusalem bogifa, Sei di ago niyadi vene yaku Amiye di mida rofu vata nigo vegu bura reyadi, mina rama aego.

Luke 2:19

Ma Mary yaku mina ago ma vegu tau ini ukari mokei tora iniye reyo.

Luke 2:51

Kamini ini nono babasa Nazareth ri dairiyadi, ma ina vene di ago neidegamo. Ini nono yaku mina vegu tau ini uka ideri moi gira rigamo.

Luke 24:44

Resi niyo, “Mina bi nai ago yasa amegasa nigamaka: na dada beika tau bura reyadi Moses di ago girari, Sei di ago nidedi vene di burari ma Psalms bukari. Mina tau bi baesi rama aeyaine.”

Luke 9:22

Ka niyo, “Amiye di mida bi esika esika tau moiyaine, ma tora vene, Sei ma amiye utari naivo vene di varika vene, ma ago gira oteimana vene yaku fufuta masi umuyegedi, ma gabi meda regoderi, dudusa dadi rae rego.”

John 16:31

Ma nikabai reyo, “Ya gua mokena vari gira aededi ba?

John 16:4

Idu mina ya rofu niyaka, ye ini meda baegori, ya mina rofu niyaka bi mina mokegedi. “Senagi mina ya de niyaka, na yasa dada.

John 19:11

Ye nikabai reyo, “Sei ya rofu vava de maro vonisi, ya bi vava na fafau bi de. Mina dada kaere yaku yi vanari na aeyo ini vegu no bi tora iniye.”

Moimai di vegu 2:23

Sei yaku ini mokena dudu bi sena yo niyo, Iesu ya vene di vanari aego bi; ya vene yaku vegu no vene di vanari aegedi ma sataurori ikoko regedi di.

Hebrew vene 2:1

Mina dada beika ago neideyafa bi anema ae mona rebinadi, gaima nigifa baebu.