Luke 9:31 - Sei di Uka Ago Ruaka di Buka Bedakai

³¹ kaere bi vabara iniye dudu ogau niyadi. Ini sina bi Jerusalem ri gokai muyesi Sei di sina moi rama aego.

Luke 9:31 ပူးပေါင်းရင်းမြစ်များ

Luke 9:22

Ka niyo, “Amiye di mida bi esika esika tau moiyaine, ma tora vene, Sei ma amiye utari naivo vene di varika vene, ma ago gira oteimana vene yaku fufuta masi umuyegedi, ma gabi meda regoderi, dudusa dadi rae rego.”

Luke 9:30

Ma amiye remanu bi inasa sina nigamadi. Bi Moses ma Elijah,

John 1:29

Ari uveyori John yaku Iesu ina rofu baedo ma vesi niyo, “Sei di Mamoe mida mini, kaere yaku kono tora noibanu vene di vegu no erufudo!

2 Corinth vene 3:18

Ma una muko seira bou de reyafa vene tau noibanu yaku garasiri kama redo kana, Varika amiye di vabara vesifa ma vima yokoi makari una moi idana riyo, vabara keika gutuna vabara tora rofu. Adina mina vegu bi Varika amiye rofu deyo, kaere ina bi Vima.

Philippi vene 3:21

kaere mina kono di roaita yau moi idana rigo ma uni roaita yaku ini roaita buni vabara nufa kana nigedi. Adina ini vava dudu, beika baika tau gade ina gabireri raga rededi.

Colossae vene 3:4

Keriso, kaere bi yi vegu amena rama, ogau nigori, bi ya ka inasa vabara nufa ogau nigedi!

Hebrew vene 11:22

Mokena vari gira aena dudu Joseph bi muyena atafu nigasa Israel vene yaku gokai Egypt gagani feregedi di sina nisi ini nena dada ago nimaro.

1 Peter 5:10

Ye mina neitua keika guraugedi, ma gabi bi buni tora gade di Sei, kaere ini toga toga ameibobina vabara Keriso ideri ya rofu raka niyo, bi iniye ya dudusa moi rorobo risi yo nisi egira resi ya moi are rego.

2 Peter 1:15

Ma na bi nai uka gira ma yeiva dudu regida, ye muyegidari, ya bi mina kana toga ari neinei mokebigedi.

Niokuna sina 7:14

Ma nikabai reyaka, “Amiye tora, ya ya diba.” Ye na rofu niyo, “Mina vene bi kaere esika esika gira gutuna bae desi Mamoe mida di dava dudu, ini varuka doba koitesi moi feyo riyadi.