Luke 9:12 - Sei di Uka Ago Ruaka di Buka Bedakai

¹² Uriyenau niyori, bi ini usi dina vene 12 ina rofu baesi niyadi, “Amiye nifeide kumo rautu negau negau ma gagani sanari disi ini varena sana ma ini iruku maina reyaganedi, adina una bi autu sanari amesifa.”

Luke 9:12 ပူးပေါင်းရင်းမြစ်များ

Matthew 14:13

Iesu mina ago neidegasa bi mina gagani feresi bouti keu risi inaike mafumafu sana yokoiri boyo. Idu amiye tau gade mina neidegasa taoni gutuna yuka dudu usi boyadi.

Matthew 15:23

Idu nikabai de reyo, dada ini usi dina vene yaku baesi ina rofu usa usa niyadi, “Toga una usi digasa imuna nido, ye nifeide kumo diyaine!”

Matthew 15:32

Kamini Iesu ini usi dina vene raka niegogo resi niyo, “Na bi mina vene tau gade rofu iriyeduka reida, adina bi nasa sena meda regodenu ameyadi ma irigedi iruku bi koina. Na ura de reida rauna nifeidegida ma digedi, bi idau muyei tamatama regedi baebu.”

Luke 9:11

Idu amiye tau gade mina vei mama regasa bi usi boyadi. Ina vene rofu faiva nisi Sei di ourefeidena amena sana di ago nioteimasi kaere gauka nufa vene yaku buni maina regamadi, bi moi buni rigamo.

Luke 9:13

Idu ina rofu niyo, “Ya yaku iruku mafo kumo iriyaganedi.” Idu nikabai resi niyadi, “Una bi beredi 5 ma oyena remanu maka. Yi mokenari bi mina amiye tau di iruku voi regifa ba?”

John 6:1

Mina usi Iesu bi Galilee gagani Tiberias moka daidai tora berou eta rofu boyo.

Philippi vene 1:19

ini adina, bi na na diba yi usa usa ma Iesu Keriso ini Vima di aedena dudu, na bi erufugedi.