Luke 8:52 - Sei di Uka Ago Ruaka di Buka Bedakai

⁵² Amiye tau minari mina rema mida dada isaka nisi guruo regamadi. Idu Iesu yaku niyo, “Isaka ga nifo; adina bi muyena de—bi neota varedo!”

Luke 8:52 ပူးပေါင်းရင်းမြစ်များ

Matthew 11:17

‘Una bi ya rofu bibo uyafa, idu ya bi adena de uyadi; muyena yauta niyafa, idu ya bi isaka de niyadi!’

Luke 23:27

Amiye tora gade ina usi boyadi. Mina amiye tau fogori bi rema vene be iriyeduka resi ina dada isaka nigamadi.

Luke 23:48

Amiye tau gade iniye mina vata nigamo vegi egogo reyadi. Beika vata niyo mina vegasa iriyeduka tora gade resi ini rautu rofu dairiyadi.

Luke 8:51

Ye yavari okigasa bi amiye yokoi afena de reyo, idu Peter, John ma James, ma mina rema mida keika di nono baba maka.

Luke 8:53

Ma ina rofu ninika nigamadi, adina ina ina diba bi muyeyo.

John 11:4

Ma mina neidesi niyo, “Mina gauka dudu de muyego; bi Sei di vabara moi ogau rigi, ye makai dudu ka Sei di mida ini roka moi odoro rigo.”