Luke 8:39 - Sei di Uka Ago Ruaka di Buka Bedakai

³⁹ “Rautu dairisi Sei yaku beika buni ya rofu reyo ni digiya.” Dada dairi nesi taoni noibanuri, Iesu yaku ina rofu beika reyo, mina nirausi regasa diyo.

Luke 8:39 ပူးပေါင်းရင်းမြစ်များ

Mark 1:45

Idu mina amiye yaku disi mina ago nirausi regasa gagani noibanuri digamo. Iesu rofu ago tora niyadi mina resi taoni ariara ma dina bi de reyo. Ye ina bi gagani autu sanari amei digamo, idu amiye gagani gagani tau ina vegika toga okigamadi.

Mark 5:18

Ma bouti odoro keu riyori, sena vima no nufa amiye bi inasa digi niguba reyo.

Mark 5:19

Idu Iesu yaku nivaisi niyo, “Rauturi dairisi yi yava vene ni gokai Varika amiye ya rofu iriyeduka resi vegu buni reyo.”

Luke 8:38

Ma mina vima no fereyadi amiye bi inasa digi niguba reyo. Idu nifeidegasa niyo,

Luke 8:40

Iesu dairiyori, amiye tau yaku faiva niyadi, adina ina tau noibanu bi nari regamadi.

John 4:29

“Baefa amiye yokoi kaere na beika tau vanu reyaka mina na nioteimaro veyagane. Rama mina bi Keriso ba?”

1 Timothy 5:8

Idu kaere amiye ini usika ourena aedena de resi ini yava vene aede mona de rego vonisi, bi mokena vari gira aena moi sui riyo ma ini no bi mokena vari gira de aedo amiye di no bi ebu redo.