Luke 8:30 - Sei di Uka Ago Ruaka di Buka Bedakai

³⁰ Kamini Iesu yaku nikaiteyo, “Yi roka bi beika?” Ma niyo, “Nai roka bi ‘Tau gade gade’,” vo niyo—adina bi vima no tau gade bi ina ideri amegamadi.

Luke 8:30 ပူးပေါင်းရင်းမြစ်များ

Matthew 26:53

Ya yaku mokeisa bi nai Baba raka nigi anua reida ma naivo naivo vima tau gade gade ruda omana vene 12 kana besa nifeideyaine ma na aedegedi ba?

Matthew 4:24

Ye ini beika regamo sina bi Syria gagani torari okuyo, ye mina vene ka ini gauka reyadi vene, esika reyadi vene, yuka vana kevo vene, ini roaitari vima no nufa vene, ma ada gauka vene afei baeyadi—ma Iesu yaku moi buni riyo.

Matthew 8:29

Ma evade raka nisi niyadi, “Sei di mida, beika resi una rofu baesa? Gua meda okina koderi esika esika una magi minari baeyo ba?”

Mark 16:9

Iesu gabi muyenari gutuna dadi rae reyori, fura di ourena meda uriyaku gorogoro, ina bi Mary Magdalene siko rofu ogau niyo, kaere bi vima no 7 nufa mina meki reyo.

Mark 5:9

Kamini Iesu yaku nikaiteyo, “Yi roka bi beika?” Ma nikabai reyo, “Nai roka bi ‘Tau gade gade,’ adina una bi tau gade!”

Luke 8:2

ma rema bedakai, kaere bi Iesu yaku vima no meki reyo, ma be bi ini gauka moi buni riyo: Mary, kaere ini roka bi Magdalene, ina rofu bi, Iesu yaku vima no 7 ini roaitari meki rei yakuyo.

Luke 8:29

Mina kana niyo, ini adina bi Iesu yaku sena mina vima no niyo yakuyainedi. Seini dudu yuka vana ukita risi nari regamadi, ye meda tau vima no yaku moiyo ma mina seini moi ubaki reyo ma gagani autu sanari moi afei bogamo.