Luke 7:44 - Sei di Uka Ago Ruaka di Buka Bedakai

⁴⁴ Mina rema rofu kero resi Simon rofu niyo, “Mina rema veisa? Yi yava dui reyakari, nai yuka koitegi koru de na maro, idu ina nai yuka rafo bi ini ne koru dudu moi dou resi ini ada iye dudu moi roko riyo.

Luke 7:44 ပူးပေါင်းရင်းမြစ်များ

Luke 7:38

Bosi Iesu di yuka atafu ini fufuta rofu are resi isaka niyo. Ini ne koru dudu Iesu di yuka moi dou regi kora resi ini ada iye dudu moi ifi regamo, moi roko rigika. Ini yuka rafo fuka resi diga rausi reyo.

Luke 7:43

Simon yaku niyo, “Nai mokena bi ina rofu fore nina yaku moi tora tora reyo.” Ma Iesu yaku niyo, “Ya bi rama nisa.”

John 13:5

Mina usi siuari koru rausi resi ini usi dina vene di yuka rafo koitegi, tauwera ini gagabari miyo mina dudu moi roko rigi kora reyo.

1 Timothy 5:10

ma amiye yaku ini vegu buni rofu ni buni rededi: ini mida mida dogo resi yava ika vene gaba resi Sei di vene di yuka koitesi esika esika nufa vene aedesi vegu buni tau gaderi, iniye moi dui regamo dada.

James 2:6

Idu ya bi mina irava amiye nivava de reyadi! Idu bi mina gugura fare tau nufa vene, kaere esika ya masi kota rena sanari ya moi rutu rei boga dega rededi ba?