Luke 4:25 - Sei di Uka Ago Ruaka di Buka Bedakai

²⁵ “Idu rama iniye ya nida, Elijah ini ariri, obu tau gade Israel ri amegamadiri, bi lagani regode ma lagani berou afona miya de deyo ma adabo tora gade Israel gagani fono reyo.

Luke 4:25 ပူးပေါင်းရင်းမြစ်များ

Matthew 20:15

Mina bi nai fore; na bi nai ura beika regida bi, o ya bi na rofu maunu nisa nai buni reida dada ba?’ ”

Luke 10:21

Mina meda nemokori, Vima kikifa yaku Iesu di uka ada dudu vata baeyo ma niyo, “Baba, oma ma kono di Varika amiye, yi roka moi odoro rida, adina ya bi mina vegu mokena tora vene rofu moi sui risi mokena keika keika vene kaere bi mida mida kana moi ogau riyo. Baba, yi ukari mokeyo kana, makai vata niyo.

Rome vene 9:15

Adina Moses rofu yomakai niyo, “Amiye kaere iriyeduka regi ura reida bi makai regida; ma kaere uka magi ura reida bi regida.”

Rome vene 9:20

Idu, nai asini, ya bi kaere, ma Sei rofu nikabai reisa? Kono kaka urena yaku kaere riyo amiye rofu nikaitegi de rego, “Beika resi makai na riyo?”

Ephesus vene 1:11

Ina dudu Baba di beika baika moiyafa, adina ini nirorotari rena ago senagi mokeyo makai kana rego, mina bi kaere, ini ura di mokena dada, beika baika tau noibanu moimai redo.

Ephesus vene 1:9

Ini ura di nisui ago una rofu moi ogau riyo, ini nirorotari rena dada; mina bi Keriso dudu dogo resi aeyo.

James 5:17

Elijah bi amiye, kaere bi uni mokena kana nufa. Ina bi usa usa ni yeiva reyo ga miya reyainedi, ma lagani regode ma lagani berou afona kono fafau miya de reyo.

Niokuna sina 11:6

Sei di ago nigedi di medari, mina amiye ini vava nufa oma kebi rigedi ma miya de rego; ka ini vava nufa koru moi dava risi ma kono vene rofu, deda esika esika tau gade magedi, uru gokaisanu ura regedi.