Luke 20:36 - Sei di Uka Ago Ruaka di Buka Bedakai

³⁶ Adina dudusa muyegi anua regedi; ina bi dadi rae rena di mida mida, ye Sei di naivo naivo vima egere nisi ini mida mida nigedi dada.

Luke 20:36 ပူးပေါင်းရင်းမြစ်များ

Matthew 22:30

Adina dadi rae renari, bi iniye iniye de megedi, idu omari Sei di naivo naivo vima kana nigedi.

Mark 12:25

Adina muyena gutuna dadi rae regasa bi iniye iniye de megedi, idu omari naivo naivo vima kana nigedi.

Rome vene 8:16

Vima iniye yaku uni vimasa ninegau resifa una bi Sei di mida mida.

1 Corinth vene 15:26

Ini tuma vene moi no rei vau reyori, gabi koukou bi muyena moi no rigo.

1 Corinth vene 15:42

Ye muyena vene moi dadi rae rena ka makai kana. Beika variyo bi muyego; beika bi moi dadi rae rego bi de muyego.

1 Corinth vene 15:49

Ini adina una bi mina kono dudu riyo amiye kana, ye makai una ka mina oma gutuna deyo amiye kana nigifa.

Philippi vene 3:21

kaere mina kono di roaita yau moi idana rigo ma uni roaita yaku ini roaita buni vabara nufa kana nigedi. Adina ini vava dudu, beika baika tau gade ina gabireri raga rededi.

Niokuna sina 20:6

Kaere mina ouresi dudusa dadi rae rena rofu rau rego bi ada resi kikifa rego. Muyena remanu ere, mina bi vima dudu muyena, bi ina vene rofu ini vava yokoi de nufa, idu bi Sei ma Keriso amiye utari naivo vene nisi inasa lagani 1,000 rofu ourefeidegedi.

Niokuna sina 21:4

Resi ini nemoko di ne koru tau gade moi ugago ma muyena bi koina nigo. Guruo rena, isaka nina ma esika moina ka bi koina nigedi, adina sena di beika baika bi koina niyadi mini.”

Niokuna sina 22:9

idu na rofu niyo, “Mina bi ga re! Na bi ya ma yi usika ourena Sei di ago niyadi vene ma amiye, kaere mina buka di ago neidededi venesa naivo amiye kana. Sei maka nivakebi!”