Luke 2:46 - Sei di Uka Ago Ruaka di Buka Bedakai

⁴⁶ Meda regode koina niyori, Sei nivakena yava ideri baku reyadi, oteimana vene di utari amegasa ini sina neidegasa ina rofu nikaitegamo.

Luke 2:46 ပူးပေါင်းရင်းမြစ်များ

Matthew 12:40

Adina Jonah bi meda regode ma urusa regode oyena tora di uka ideri ameyo kana, ye Amiye di mida ka bi meda regode ma urusa regode kono di uka ideri amego.

Matthew 16:21

Mirona itua baeyori, ini usi dina vene rofu nirorotari regi kora reyo, ina bi Jerusalem ri bosi tora vene, Sei ma amiye utari naivo vene di varika vene, ma ago gira oteimana vene di esika esika tau moiyaine, ma umuyegedi ma gabi meda regodenuri dudusa dadi rae rego.

Luke 2:47

Ini ago neidena vene tau bi ini mokena ma ini nina mina rofu tururu iniye reyadi.

Luke 5:17

Meda yokoiri, amiye nioteimagamori, Pharisee vene ma ago gira oteimana vene be Iesu atafu amegamadi. Ina vene bi Galilee ma Judea taoni tauri ma Jerusalem gutuna baeyadi. Iesu bi Varika amiye di moi buni rigika vava nufa.

John 3:10

Ma niyo, “Ya bi Israel vene di oteimana amiye, idu ya bi mina beika baika ya toto?

Moimai di vegu 5:34

Idu, ina vene di amiye yokoi, roka Gamaliel, iniye bi Pharisee amiye, kaere bi ago gira oteimana amiye ma amiye tau vakoi yaku ina nivasina reyadi, dadisi kanisoro vene di neri are reyo. Ina yaku niyo dada nifeidena vene bi ne tumu maka etofaro moi yakuyaganedi.

1 Timothy 1:7

Ina ura rededi bi Sei di ago gira oteimana vene di moimai regedi, idu beika ago nisi mokededi bi rama iniye bi mina fafau ada yora de.