Luke 10:28 - Sei di Uka Ago Ruaka di Buka Bedakai

²⁸ Kamini niyo, “Ya rama niyo mini makai regasa bi ameibobigiya.”

Luke 10:28 ပူးပေါင်းရင်းမြစ်များ

Matthew 19:17

Ma Iesu yaku niyo, “Beika resi buni vo nigasa na nikaiteisa? Amiye yokoi maka bi buni. Ya ura reisa mina vegu buni dui regiya vonisi, bi ago gira neidegasa rebi.”

Mark 12:34

Kamini Iesu veyo ina bi ni mona mona iniye reyo ye niyo, “Ya bi Sei di ourefeidena amena sanari bi maike de ameisa.” Ye amiye yokoi yaku dudusa nikaitegika de regamadi.

Luke 7:43

Simon yaku niyo, “Nai mokena bi ina rofu fore nina yaku moi tora tora reyo.” Ma Iesu yaku niyo, “Ya bi rama nisa.”

Rome vene 10:4

Adina Keriso yaku ago gira di tu moi fudika reyo, ye amiye tau noibanu, kaere mokena vari gira aegedi, bi ini mokena moi rorobo rigo.

Rome vene 3:19

Gua una diba beika ago gira yaku nido, bi kaere ago gira di vava gabireri amedo ina rofu nido, ye vena biri risi ago nina de, ma kono tora noibanu di vene tau bi Sei di nemokori ini vegu dada kota regi are reyaganedi.

Rome vene 7:10

na bi muyeyaka. Mina ago gira di nitore rena ago bi vegu moi baeyaine, idu na rofu bi muyena maka moi baeyo ma baku reyaka.

Galatia vene 3:12

Idu ago gira bi mokena vari gira aena di ida de, idu “Amiye kaere ago gira di ago neidego, bi makai dudu vegu ameibobigo.”