Jude 1:4 - Sei di Uka Ago Ruaka di Buka Bedakai

⁴ Adina be vene yaku yi rafuri, sui ida dudu sena baeyadi. Mina vene bi ini obini moiyadi, goina bi sena bura reyadi. Ina bi Sei di vegu kana de rededi, kaere bi uni Sei di buni tora gade di sina moi idana risi vava maradi, vegu no resi Iesu Keriso uni ourefeidena Amiye tora yokoi maka ma Varika amiye mina nisui reyadi.

Jude 1:4 ပူးပေါင်းရင်းမြစ်များ

Matthew 13:25

Idu ini amiye varegamadiri, amiye no yaku baesi mina witi fogori oruma no varisi diyo.

John 17:3

Ma toga toga ameibobina vegu bi mini: ye amiye yaku ya Sei rama maka ma Iesu Keriso kaere nifeideyo, ya remanu diba nidedi.

Moimai di vegu 11:23

Sei yaku amiye rofu buni tora gade maro, mina desi veyori, bi ada resi ina vene nigira reyo, ini uka noibanu dudu Varika amiye usi baeyaganedi.

Moimai di vegu 15:24

Neideyafa bi be vene uni rafuri gutuna bae nesi esika ya masi yi mokena moi forovai reyadi, beika ago niyadi dudu; idu, ina vene bi una rofu ago yokoi moina de.

Galatia vene 2:4

Idu ekalesia ofa vene bedakai sui dudu uni fogori bae dui reyadi, uni erufuna vegu Iesu Keriso ideri vei kiki regi, dudusa moimai rei tavoi rena una Jew vene di ago gira moi gabireri aegika dada.

Galatia vene 5:13

Usika ourena, adina erufuna vegu rofu ya raka niyo; ye mina erufuna vegu dudu roaita di vegu no ga usi difa, idu uka mana dudu ya kaya ya kaya naivo refa.

Ephesus vene 4:14

Ye ureure tafo resi bouti moi etagae ridedi kana, oteimana ago tau noibanu di aura ufu rededi kana, amiye di aonega dudu, ma ofa ofa oteimana ago dudu eru redo, mina tau rofu dudusa mida kakua kana ga rebinadi.

1 Timothy 5:8

Idu kaere amiye ini usika ourena aedena de resi ini yava vene aede mona de rego vonisi, bi mokena vari gira aena moi sui riyo ma ini no bi mokena vari gira de aedo amiye di no bi ebu redo.

2 Timothy 2:12

Una are rei gira regifa vonisi, bi inasa ka ourefeidegifa. Una yaku de buda aegifa, ina ka de una buda aego.

2 Timothy 3:6

Adina mina kana vene di bedakai yaku yava ideri kokoya kana dui resi vegu no di toe nufa, uka yau rema vene di mokena moi yau ridedi, kaere ini roaita di ura bouna bouna yaku moi yarededi.

1 Peter 2:16

Vegu no erufuna amiye kana amefa, idu yi vegu no erufuna vegu dudu, vegu no fafa ga refa, idu Sei di moimai rei tavoi rededi vene kana amefa.

1 Peter 2:8

Ma: “Amiye yaku mina fore futu regedi; mina rabema ya moi keto rego.” Ago de neideyadi dada, futu rededi Sei di mokena kana.

1 Peter 4:18

Ma: “Amiye mokena rorobo nufa moi vegu rigi bi gira; ye Sei di mokena kana de rededi vene ma vegu no rededi vene bi gokai nigedi?”

2 Peter 2:10

Mina bi rama iniye, kaere koa rena vegu no di mokena no usi Sei di vava moi etagae ridedi. Mina ofa ofa oteimana vene bi uka bubu dudu rena ma negiyagiya amiye. Odoro vabara nufa vene di roka moi no ridediri, bi ori de rededi.

2 Peter 2:7

Ma Lot bi moi vegu riyo, kaere bi mokena rorobo nufa amiye, ma bi vegu no rededi vene di koa rena vegu fafau esika guraugamo.

2 Peter 3:7

Idu gua mina oma ma kono amededi bi senagi Sei di ago ya niyo kana, nari rededi ita yaku moi sikori rego bogo Sei di mokena kana de vene kota resi moi sikori rena meda baego mamo.

1 John 2:22

Kaere bi ofa nido amiye? Ina bi kaere Iesu bi Keriso mina etofa redo. Mina kana amiye bi Keriso di tuma amiye, kaere bi Baba ma ini Mida vakoi etofa redo.

Jude 1:15

ina vene tau kota resi vegu no rededi vene tau di vegu no tau niogau rego, mina kaere bi ini vegu no ida idari regamadi, ma ina yaku kiraini ago toe tau ina rofu nigamadi mina!”

Jude 1:18

Ina ya rofu niyadi bi, “Ari tumu nibigori, ninika nina vene kaere bi iniye di ini mokena no mina tari rei dibigedi.”

Niokuna sina 15:4

Varika amiye, kaere amiye ya ori de rego? Kaere amiye yi roka moi odoro de rigo? Adina ya maka bi kikifa. Ye gagani gagani vene tau noibanu baesi yi nemokori ya nivakegedi, amiye tau noibanu yaku yi vegu rorobo bi oteimaro ma veyadi dada.”