John 9:22 - Sei di Uka Ago Ruaka di Buka Bedakai

²² (Ini nono baba yaku makai niyadi, adina bi Jew vene rofu ori reyadi. Adina bi sena yo niyadi amiye yokoi yaku nigo Iesu bi Keriso vonisi, bi usa usa yava gutuna umeki rei makugedi.)

John 9:22 ပူးပေါင်းရင်းမြစ်များ

Luke 6:22

“Amiye yaku ya rofu gubuyo resi fufuta masi ya rofu nifafana resi yi roka moi no rigediri, Amiye di mida usi dina dada, bi ada regedi!

John 1:19

Ye Jew vene di ourefeidena vene yaku Sei ma amiye utari naivo vene ma Levi rubu di vene be Jerusalem gutuna nifeideyadi, ma John Baptist nikaiteyadi, “Ya bi kaere?”

John 16:2

Usa usa yava etofaro ya umeki regedi. Ye meda baego, ye kaere ya umuyego bi mokego ina bi Sei rofu naivo redo.

John 19:38

Kamini mina usi, Arimathea amiye yokoi roka Joseph yaku Pilate rofu Iesu di roaita moi digi usa niyo. (Ina bi Iesu di usi dina amiye yokoi, idu sui dudu, Jew vene ori reyo dada). Ma fereyo, mina dada baesi ini roaita moi diyo.

John 20:19

Fura di ourena meda uriyenauri, ini usi dina vene bi egogo sanari ida birisi ae gira resi ideri amegamadi, Jew vene rofu ori reyadi dada. Ye Iesu baesi ini utari are resi niyo, “Uka amuta bi yasa ameyaine.”

John 7:13

Jew vene rofu ori reyadi, ye amiye yokoi yaku ina dada ago de niokugamo.

John 9:18

Ye Jew vene bi sena ne taufa amiye nisi gua nene reyo di ago rofu mokena vari gira de aeyadi, ini nono baba raka nisi

John 9:21

Idu gua ini nemoko gokai dudu nene redo o kaere yaku ini nemoko moi buni riyo bi una toto. Nikaitefa; ina bi amiye tora niyo. Ina kaya ya nioteimaraine!”

John 9:34

Kamini nikabai reyadi, “Ya vegu no tausa vata niyo, idu una oteimagika reisa ba?” Ye ini usa usa yava rofu umeki rei makuyadi.

John 9:35

Iesu yaku neideyo bi umeki rei makuyadi ma baku resi nikaiteyo, “Amiye di mida rofu mokena vari gira aesa ba ide?”

Moimai di vegu 4:18

Mina dada raka niyadi ma dudusa dui rei boyadi ma niyadi dudusa Iesu di roka ga nigedi ma amiye oteima ga reyaganedi, de iniye iniye.

Moimai di vegu 5:13

Amiye idana yaku mina rafuri boi dui rena bi ori regamadi, idu mina vene bi ina vene di roka moi odoro rigamadi.

Moimai di vegu 5:40

Nifeidena vene raka niyadi ma dui reyadiri, bi buburu vai resi usi niyadi Iesu di roka dudu dudusa ago ga niyagane resi moi feideyadi.

Niokuna sina 21:8

Idu, mokei itu rededi vene, mokena vari gira de aededi vene, mokena no iniye nufa vene, amiye emuyededi vene, koa rededi vene, ore rededi vene, ofa sei nivakededi vene ma ofa ofa nidedi vene tau—bi fore roka sulphur dudu ita moka tora vaido sanari rau regedi. Mina bi muyena remanu ere mini.”