John 8:31 - Sei di Uka Ago Ruaka di Buka Bedakai

³¹ Ye Iesu yaku Jew vene kaere ina rofu mokena vari gira aeyadi rofu niyo, “Nai ago moi gira rigedi vonisi, ya bi rama nai usi dina vene;

John 8:31 ပူးပေါင်းရင်းမြစ်များ

Matthew 24:13

Idu kaere bi are rei gira rego bogo ari metona baego mamo, bi moi vegu rigo.

John 1:47

Nathanael baeyori, Iesu yaku vesi niyo, “Mina bi rama iniye Israel amiye; ini ideri bi ofa sina yokoi de!”

John 2:2

ma Iesu ini usi dina venesa ka mena irakunari omaradi.

John 6:55

Adina nai roaita bi iruku rama ma nai dava ka bi irina koru rama.

John 8:36

Mina dada, Mida yaku ya erufugo vonisi, bi ya erufuna iniye rego.

Moimai di vegu 13:43

Amiye tau usa usa yavari egogo reyadi ma ufeya resi diyadiri, bi Jew vene tau ma tutubena idana vene kaere bi Jew vene di Sei nivakena vegu usi dina vene mina vene tau yaku Paul ma Barnabas sa digamadi. Ina vene rofu ago nisi nigira reyadi ari neinei Sei di buni tora gaderi amebiyaganedi.

Moimai di vegu 14:22

Usi dina vene egira resi niyadi bi rama iniye dudu ini mokena vari gira aena amebiyaganedi. Yomakai oteimaradi, “Sei di ourefeidena amena sana dui regika bi toe tau tora moigifa.”

Moimai di vegu 26:22

Ye Sei yaku na aedeyo, dada ma gua are resi tora ma keika vene rofu niokuda. Na bi ago bouna nina de; na bi Sei di ago nidedi vene ma Moses di ago mina vata nigo mina maka nida:

Rome vene 11:22

Sei di uka buni ma ini uka gira neide mona rebi: uka gira keto reyadi vene rofu, idu ini buni ideri amegiya vonisi, ini uka buni bi ya rofu toga mago. Makai de regiya vonisi, bi ya ka ya nugai makugo.

Rome vene 2:7

Amiye kaere vegu buni renari, are rei gira rena dudu vabara, kikifa rena ma moi no de rena, mina maina rededi, Sei bi ina vene rofu toga toga ameibobina vegu mago.

Colossae vene 1:23

Ye mokena vari gira toga aesi ya kaya nitugi resi are rei gira resi mina neideyadi ago buni di uka mokena gutuna moi etagae de rigedi vonisi, mina bi ogau nigedi. Mina ago buni bi oma gabireri beika baika noibanu riyo, mina rofu nirausi reyo, ma na Paul, na bi ini naivo reida amiye niyaka.

1 Timothy 2:15

Idu rema yaku mokena vari gira aesi uka masi kikifa amesi ave nigo vonisi, bi mida odina dudu moi vegu rigo.

1 Timothy 4:16

Ya kaya yi vegu amena ma ago oteimana toga toga nari rei mona re. Adina makai rebigiyari, ya kaya ma yi ago neidededi vene bi moi vegu rigiya.

2 Timothy 3:14

Idu ya bi yi beika diba nisi mokena vari gira aena moi gira riyo bi toga rebi, adina ya ya diba kaere ya rofu nioteimaradi bi.

Hebrew vene 3:14

Adina una yaku siko ori de dudu, mokena buni metonari moi gira rigifa vonisi, ye una bi Keriso sa moimai regifa.

Hebrew vene 8:9

Varika amiye yomakai niyo: Mina bi Egypt gaganiri, ini aufakai vanau moi yakusi uka ago maraka meda kana de. Adina nai uka ago toga usi de reyadi, ye ina vene rofu nai mokena moi tae riyaka.

James 1:25

Idu kaere amiye mina erufuna ago gira rorobo vei ufatesi ini vegu toga rego vonisi, bi buni tora gade moigo; ina bi ago neidesi toto nina de redo amiye, idu ini vegu redo amiye dada.

1 John 2:19

Una ferei diyadi, idu rama ina bi uni vene de; adina bi rama vonisi, bi unasa ameyagadu. Idu una ferei diyadi, ye mina yaku moi vabara riyo ina tau vakoi bi uni vene de.

1 John 2:24

Beika sina ini adinari gutuna neideyadi, bi yi uka ideri amebiyainedi. Mina ini adinari gutuna neideyadi sina yasa amego vonisi, ya ka Mida ma Babasa amebigedi.

2 John 1:9

Kaere amiye Keriso di beika oteimaro moi gira de rigo, idu fafa resi bogo, bi Sei inasa de. Kaere amiye Keriso di beika oteimaro mina moi gira rigo, bi Baba ma ini Mida bi inasa amego.