John 8:15 - Sei di Uka Ago Ruaka di Buka Bedakai

¹⁵ Ya bi amiye di mokena kana kota rededi; na bi amiye yokoi kota de reida.

John 8:15 ပူးပေါင်းရင်းမြစ်များ

Luke 12:14

Nikabai resi niyo, “Ya remanu di sina sina neidegi yi beika baika rau regi di vava na mana kode.”

John 12:47

Amiye yokoi nai ago neidego, idu moi gira de rigo vonisi, na yaku ina rofu kota de regida; adina na bi kono tora noibanu di vene rofu kota regika de deyaka, idu moi vegu rigi deyaka.

John 18:36

Ye niyo, “Nai ourefeidena amena sana bi diya mina konori di. Mina kono di vonisi, bi nai naivo naivo vene yaku ruda reyagadu, ye Jew vene na de moiyagadu. Idu nai ourefeidena amena sana bi diya mina kono di!”

John 3:17

Adina Sei yaku ini Mida konori bi kono amededi vene kota regika de nifeideyo, idu ina dudu moi vegu rigi dada.

John 7:24

Etofarori bi ga mokei no refa, idu rama dudu nirorotari refa.”

John 8:11

Ma nikabai reyo, “Varika amiye e, amiye yokoi de.” Ma niyo, “Na ka ya nifafana de reyaka; disi besa vegu no ga re.”]

Rome vene 2:1

Mina dada ya bi ago idana idana yokoi de nigedi, ya tau noibanu, kaere amiye bouna rofu kota rededi. Adina amiye bouna rofu kota regiyari, ya kaya ka kota reisa, ya kota redo amiye, ya ka mina vegu reisa dada.

1 Corinth vene 2:15

Vima nufa amiye yaku beika baika tau noibanu di rama veifatedo, idu amiye yokoi yaku veifatei mona de rego.

2 Corinth vene 5:16

Mina dada gua gutuna bobigori, amiye yokoi ini roaita di vegu maka dada de mokebigifa. Mina mo sena meda yokoiri, roaita di vegu maka dada Keriso mokeyafa, ye gua dudusa makai kana bi de mokesifa.

James 2:4

ye makai ya kaya yi mokenari amiye yokoi bi buni ma yokoi bi de; mokena no dudu kota rena amiye kana ya kaya niyadi.