John 8:12 - Sei di Uka Ago Ruaka di Buka Bedakai

¹² Iesu dudusa ina vene rofu ago niyo, “Na bi kono tora noibanu di vabara. Amiye kaere na usi baego bi mukunari de digo, idu vegu di vabara moigo.”

John 8:12 ပူးပေါင်းရင်းမြစ်များ

Matthew 5:14

“Ya vene bi mina kono di vabara. Taoni yokoi omuna ikari bi de sui nigo.

Luke 2:32

Vabara ruaka yokoi tutubena idana vene bedakai rofu moi evata riyo, ma vabara yi vene Israel mago.”

John 12:35

Ye ina vene rofu niyo, “Mina vabara bi yasa de amei doba rego. Vabara yasa amedori, diga bogasa rebifa, de bi mukuna yaku ya ebu rego baebu. Kaere mukunari diga bogasa redo amiye goinari dido bi ina toto.

John 12:36

Vabara yasa amedori, ina rofu mokena vari gira aefa, ye ya bi vabara di mida mida nigedi dada.” Sina ni vau resi ferei disi ina vene rofu iniye moi sui riyo.

John 12:46

Na bi vabara kana mina konori deyaka, ye kaere na rofu mokena vari gira aego amiye bi mukunari ga amebiyaine.

John 14:6

Ma nikabai reyo, “Na bi ida, ma ago rama, ma vegu. Amiye yokoi nai Baba rofu de bogo, idu na dudu maka.

John 3:19

Ye mina bi kota rena di vegu: vabara bi kono tora noibanuri deyo, idu amiye bi vabara feresi mukuna rofu uka maradi, adina ini moi raga rededi vegu bi no.

John 7:17

Kaere amiye Sei di ura rena kana rego vonisi, bi diba nigo mina ago oteimaida bi Sei rofu dedo, o na kaya nai vava dudu sina nida.

John 9:5

Na bi konori amegasa bi kono tora noibanu di vabara.”

Moimai di vegu 13:47

Adina Varika amiye yaku ago gira una niyo bi yomini: ‘Tutubena idana vene di vabara bi ya riyaka, ye mina dada gagani kono tora noibanu di vene tau vegu niyaganedi.’ ”

Moimai di vegu 26:23

Keriso esika esika moigo kumo siko muyenari gutuna dadi rae resi moi vegu rina di vabara sina Jew vene ma tutubena idana vene rofu niokuda.”

2 Peter 2:17

Mina vene bi koru gayei roko niyo kana ma seuya aura yaku ufu rei makudo kana. Sei yaku mukuna gube nido sana bi sena rei tore resi ferei maro.

2 Peter 2:4

Sei yaku ka ini naivo naivo vima, kaere vegu no reyadi, bi ini kaunava de vei fereyo, idu ita mokari makuyo, mironari bi seini dudu mukunari amegasa, kota rego meda tua rededi.

1 John 1:6

Una yaku nisifa, una bi inasa auta resifa vonisi, idu mukunari nana rei disifa, bi ofa nisi ago rama dudu de amesifa.

Jude 1:13

Ina vene bi davara di ureure kana, ini maena bi davara di kabudo kana fonufonu rei baedo; bi yaveru kana, adina Sei yaku toga toga amebigo mukuna girigiri sana ferei maro.

Jude 1:6

Ma naivo naivo vima be, kaere bi ini moimai di vava moi gira de risi ini yava fereyadi. Ye bi toga toga amebigo seini aesi mukunari fereyo, ye kota rego meda tora nari reyaganedi.

Niokuna sina 21:24

Gagani gagani vene yaku ini vabara dudu nana digedi ma kono di kini yaku ini ideri ini gugura tau vabara moi baegedi.