John 7:35 - Sei di Uka Ago Ruaka di Buka Bedakai

³⁵ Ye Jew vene iniye iniye nikaiteyadi, “Mina amiye bi goidu digika redo ma de baku regifa? Ini mokena bi Greek vene di gagani uni amiye amededi sanari disi Greek vene oteimago ba?

John 7:35 ပူးပေါင်းရင်းမြစ်များ

Matthew 12:21

ma tutubena idana vene yaku ini roka rofu uka mokena aegedi.”

Luke 2:32

Vabara ruaka yokoi tutubena idana vene bedakai rofu moi evata riyo, ma vabara yi vene Israel mago.”

John 12:20

Irakuna di medari Sei nivakegi Jerusalem ri boyadi vene di utari bi Greek vene bedakai.

John 7:1

Mina usi Iesu Galilee ri diga boga regamo. Judea gagani rofu nena bi ura de reyo, adina Jew vene yaku umuyegika maina regamadi.

John 8:22

Ye Jew vene yaku niyadi, “Ina yaku nido, ‘Nai dina sana bi ya dina anua regedi.’ Mina resi bi iniye umuyego ba?”

Moimai di vegu 11:18

Mina neideyadiri, bi fufuta ago nidedi mina feresi Sei di roka moi odoro rigasa nigamadi, “Sei yaku ka tutubena idana vene rofu bi vegu no feresi moi etagae risi amebiyaganedi vegu maro!”

Moimai di vegu 11:20

Idu mokena vari gira aena vene bedakai, kaere bi Cyprus ma Cyrene vene, bi Antioch ri bosi Greek ago nidedi vene rofu ka sina niodoro regamadi, Varika amiye Iesu di ago buni mina.

Moimai di vegu 14:1

Iconium ri ka mina kana vegu vata niyo: Paul ma Barnabas usa usa yava ideri bosi sina nigamadi, dada Jew vene ma tutubena idana vene tau tora Iesu rofu mokena vari gira aeyadi.

Moimai di vegu 17:4

Bedakai vene bi mokena vari gira aesi Paul ma Silas sa kefe riyadi; ma Greek vene kaere Sei nivakeyadi ma rema tora tora tau gade ka vakoi kefe riyadi.

Moimai di vegu 18:4

Sabati meda neinei bi usa usa yavari dui resi bi Jew ma Greek vene di uka mokena mina moi vabara rigi sina ago regamo.

Moimai di vegu 21:21

Ina vene bi sena neideyadi, ya yaku Jew vene tau, kaere bi tutubena idana venesa amededi, oteimaro bi Moses di ago gira rofu etagae riyagane, ini mida mida di roaita ka ga nugaragane ma Jew vene di toutou ka ga usi reyaganedi.

Moimai di vegu 22:21

Kamini Varika amiye yaku na niyo, ‘Dadisi di, adina maikeri tutubena idana vene rofu ya nifeidegida.’ ”

Rome vene 1:16

Na bi ago buni fafau maena de, adina bi Sei di vava, kaere amiye tau mokena vari gira aego, ouresi mina bi Jew vene ma tutubena idana vene ka moi vegu rigo.

Ephesus vene 3:8

Na bi Sei di vene tau noibanuri egona iniye, idu mina buni tora gade na maro. Ye Keriso rofu maina de rena buni tau tora, mina di ago buni tutubena idana vene rofu niokugida.

Colossae vene 1:27

Sei di ura reyo bi mina sui ago di vabara di buni vayavaya, ini tora tutubena idana vene di fogori, bi gokai ina vene rofu moi diba riyo; mina bi Keriso ya ideri amedo, bi vabara di uka mokena mini.

1 Timothy 2:7

Mina makai Sei yaku niogau amiye, nifeidena amiye ma mokena vari gira aena ma ago rama dudu, tutubena idana vene di oteimana amiye kana, na auba reyo. Ago rama nida; ofa ago de nida!

2 Timothy 1:11

Ye Sei yaku mina ago buni niogau amiye, nifeidena amiye ma oteimana amiye kana na abidi reyo.

James 1:1

Mina bi James, Sei ma Varika amiye Iesu Keriso di moimai rei tavoi reida amiye, rofu: Ya Israel di rubu 12 vene kaere kono tora noibanuri rerevaida reyadi, ya rofu yuata nifeideida.

1 Peter 1:1

Na Peter, kaere bi Iesu Keriso di nifeidena amiye— Sei di auba reyo vene kaere bi Pontus, Galatia, Cappadocia, Asia ma Bithynia gagani gaganiri rerevaida nisi amededi vene idana kana rofu mina bura reyaka.