John 7:3 - Sei di Uka Ago Ruaka di Buka Bedakai

³ Iesu ini dubuiyaka yaku niyadi, “Mina sana feresi Judea rofu bo, ye yi usi dina vene yaku ka yi beika reisa mina veyagane.

John 7:3 ပူးပေါင်းရင်းမြစ်များ

Matthew 12:46

Ye amiye tau gade rofu ago niyori, ini nono ma ini dubuiyaka baesi etofaro are resi bi inasa ago nigedi ura reyadi.

Mark 3:21

Iesu di davatu vene yaku ini moimai regamo sina nido neideyadiri, bi dadisi neyadi beika ago nido bi ga niyainedi, adina amiye bi nigamadi, “Ina bi forovai reyo!”

Mark 3:31

Kamini Iesu ini nono ma ini dubuiyaka baesi etofaro are resi ago nifeideyadi bi ina vene rofu baeyaine.

Luke 8:19

Kamini Iesu ini nono ma ini dubuiyaka ina vegi baeyadi, idu bi anua reyadi, adina bi amiye tau gade dada.

Luke 8:20

Kamini nioteimaradi, “Yi nono ma yi dubuiyaka bi etofaro are resi ya vegi ura rededi.”

John 2:2

ma Iesu ini usi dina venesa ka mena irakunari omaradi.

John 6:60

Ini usi dina vene tau mina ago neidesi niyadi, “Mina ago bi gira iniye; kaere yaku neidego?”

John 6:66

Mina usi ini usi dina vene tau ina gedu masi inasa gogo de digamadi.

John 7:10

Idu gabi ini dubuiyakasa irakuna sanari boyadiri, erau de niyo, idu kiki dudu maka boyo.

John 7:4

Adina amiye yokoi kaere ina ura redo iniye moi ogau rigo vonisi, bi suiri moimai de redo. Ya bi makai regiya, ye kono vene tora noibanu rofu ya kaya moi ogau ri!”

John 7:5

(Adina ini dubuiyaka ka ina rofu mokena vari gira de aegamadi.)

Moimai di vegu 2:14

Kamini Peter dadisi ini nifeidena vene 11 sa are resi ago ni tora resi mina amiye tau rofu niyo, “Judea vene ma ya kaere Jerusalem ri amededi vene, nai ago nigida neidefo gua yomina vegu vededi di adina rama iniye bi beika.