John 6:63 - Sei di Uka Ago Ruaka di Buka Bedakai

⁶³ Sei di Vima bi vegu mado; roaita di vava bi de iniye iniye. Ago ya rofu niyaka bi Vima ma vegu di.

John 6:63 ပူးပေါင်းရင်းမြစ်များ

John 5:21

Baba yaku muyena edadisi ini vegu mado kana, Mida ka ini ura dudu kaere vegu mago vo nido bi mado.

John 6:68

Simon Peter yaku nikabai reyo, “Varika amiye e, una bi kaere rofu digifa? Toga toga ameibobina vegu di ago bi yasa amedo.

Moimai di vegu 5:20

“Bosi Sei nivakena yavari are resi Iesu usi dina vegu di sina tau amiye tau rofu nifa.”

Rome vene 10:17

Ye mokena vari gira aena bi neidena gutuna moi baedo; ma neidena bi Keriso di ago gutuna moi baedo.

Rome vene 2:25

Adina ago gira neideisa vonisi, roaita nugana bi buni; idu ya ago gira odeisa vonisi, roaita nugana bi roaita nugana de kana nigo.

Rome vene 8:2

Adina vegu mado Vima di ago gira Iesu Keriso dudu, vegu no ma muyena di ago gira ya erufuyo.

1 Corinth vene 15:45

Ye yomakai bura reyo, “Mina ouresi amiye, Adam, bi vegu amedo amiye niyo”; ma gabi koukou baeyo amiye, ka Adam kana raka niyadi, bi vegu mana vima.

Galatia vene 5:25

Vima dudu amegifa vonisi, ye uni vegu ka ourefeideyaine.

Galatia vene 5:6

Adina roaita nugana o nugana de di ida bi Iesu Keriso ideri ini vava yokoi nufa de, idu mokena vari gira aena uka mana dudu, moimai redo maka bi buni.

Galatia vene 6:15

Adina roaita nugana o nugana de, di ida bi ini vava yokoi nufa de, idu Sei yaku ruaka rina mina maka vedo.

1 Thessalonica vene 2:13

Ma una ka toga Sei rofu buni tora gade masifa, adina Sei di ago buni moiyadi, goina bi una rofu neideyadiri; ya bi amiye di ago kana dudu de moiyadi, idu Sei di ago kana, goina bi rama iniye. Adina Sei yaku mina ago dudu ka ini moimai yi veguri redo, ya kaere ina rofu mokena vari gira aededi.

1 Timothy 4:8

Adina roaita moi yeiva rena di buni bi keika maka, idu ida tau noibanuri, Sei di mokena kana rena bi buni tora gade, adina bi gua ma gabi vegu amena di nitore rena ago moi gira rido.

Hebrew vene 13:9

Deda oteimana ago idana rofu ya moi ourefeidegi usi ga difa, adina buni tora gade dudu, uka meko moi gira rigi bi buni; diya iruku be irina ago gira dudu, adina gabireri raga rededi vene bi ina rofu buni yokoi baku de reyadi.

Hebrew vene 4:12

Adina Sei di ago bi diga bogasa vegu amedo; bi bainasi berou berou arika iniye ebu resi uka ma vima utama nugai feidegasa musa ma nena makai kana redo. Ina yaku uka di mokena ma ini ura vegasa diba nigo.

James 1:18

Ini ura dada, ago rama iniye dudu una odiyo, ye ini beika baika riyo di ourena yabo meko kana una vareyagadu.

1 Peter 1:23

Ya bi dudusa vata niyadi, yi nono baba muyededi dudu de, idu vegu toga toga amena di mida mida kana, Sei di ago toga vegu amedo dudu.

1 Peter 3:18

Adina Keriso mokena rorobo de amiye ka uru yokoi maka vegu no fafau, mokena vari gira de aededi vene rofu esika moiyo, ye makai Sei rofu ya moi bogo di; ina bi roaita iniye dudu emuyeyadi, idu vima iniye dudu moi vegu riyo.

1 Peter 3:21

Mina koru bi babatiso di rebe; bi gua ya moi vegu rido. Bi diya roaita kino koite makudo kana, idu usa usa nina Sei rofu kana, uka di mokena buni nufa Iesu Keriso ini muyenari dadi rae reyo dudu,