John 6:45 - Sei di Uka Ago Ruaka di Buka Bedakai

⁴⁵ Sei di ago niyadi vene bura reyadi, ‘Sei yaku ina tau vakoi oteimago.’ Nai Baba di ago neidesi diba niyadi vene tau gade bi na rofu baegedi.

John 6:45 ပူးပေါင်းရင်းမြစ်များ

Matthew 11:27

“Nai Baba yaku beika baika tau na nimaro. Ma amiye yokoi ina toto ini Mida, idu nai Baba maka ina diba. Ma amiye yokoi ka ini Baba toto, ini Mida maka ina diba ma ini Mida yaku ka Sei bi kaere moi ogau rigi ura redo amiye rofu bi rama iniye vegedi.

Matthew 17:5

Mina nigamori, seuya vabara kama resi ina vene bou riyo ma ago goroka mina seuya gutuna desi niyo, “Mina bi nai uka maida Mida, kaere ina rofu ada tora reida—ina bi neidefa!”

Mark 1:2

Sei di ago niyo amiye Isaiah yaku bura reyo kana: “Sei yaku makai niyo, ‘Nai ago moi raga redo amiye yi budari nifeidegida. Yi ida moi dogo rego.’

Luke 1:70

Sei di ago niyadi vene kikifa yaku mina amiye fafau senagi senagi niyadi,

Luke 18:31

Kamini ini amiye 12 moi gaima risi niyo, “Neidefa, una bi Jerusalem bogifa, Sei di ago niyadi vene yaku Amiye di mida rofu vata nigo vegu bura reyadi, mina rama aego.

John 10:27

Nai mamoe bi nai goroka neidededi; na ina vene diba ma na usi didedi.

John 6:37

Nai Baba yaku na maro vene tau vakoi bi na rofu baegedi, ma na rofu baegedi vene bi de meki regida de iniye.

John 6:65

Resi niyo, “Mina resi ya rofu niyaka nai Baba yaku maka vava mago vonisi, amiye bi na rofu baegedi.”

Moimai di vegu 13:40

Dada ya kaya nari refa kumo Sei di ago nidedi vene yaku bura reyadi bi ya rofu vata nigo baebu:

Moimai di vegu 7:42

Mina dada Sei yaku ini vene gutuna seira kero resi oma di iya tau rofu nivakegi maro, Sei di ago niyadi vene di bura reyadi kana: ‘Israel vene! Lagani 40 ri gagani autu sanari boromakau usi ori sisika regamadi bi diya na dada regamadi.

Ephesus vene 1:17

Nai usa nida bi uni Varika amiye Iesu Keriso di Sei, kaere bi vabara di Baba, ina yaku ini Vima ya maraine, ye Vima yaku ya rofu Sei moi ogau rigo; makai bi ya ya diba ina.

Philippi vene 3:15

Mina dada una tora noibanu, kaere mokena vabara dudu tora niyafa, bi makai mokenadi; ma beika baika deda rofu mokegedi vonisi, Sei bi mina ya rofu ka nioteimago.

1 Thessalonica vene 4:9

Ma gua usika ourena rofu uka mana bi ya rofu de bura regifa, adina mina bi Sei yaku ya kaya ya kaya uka maraganedi sena ya oteimaro.

Hebrew vene 10:16

“Varika amiye yaku niyo mini: Mirona meda usi mina bi uka ago ina vene rofu magida: Na yaku nai ago gira ini uka meko ideri ae masi ini mokenari bura resi magida.”

1 John 2:27

Idu Keriso yaku ini Vima ya fafau erausi reyo, ye yasa amedo kana, amiye yokoi yaku ya oteimarainedi mokena de regedi. Idu ini Vima erausi rena bi beika tau ya oteimado; ya rofu oteimaro kana bi rama, ofa yokoi de: inasa amefa.