John 6:33 - Sei di Uka Ago Ruaka di Buka Bedakai

³³ Adina Sei di beredi bi kaere omari gutuna desi kono tora noibanu vene vegu mado.”

John 6:33 ပူးပေါင်းရင်းမြစ်များ

John 13:3

Ye Iesu bi diba niyo ini Baba yaku beika baika tau vakoi ini vava gabireri aeyo, ma bi Sei rofu deyo ma Sei rofu dairi bogo.

John 16:28

Na Baba gutuna desi konori dui reyaka, ye gua kono feresi nai Baba rofu digida.”

John 17:8

Adina ya yaku ago na maro ma na yaku ina vene maraka, bi moisi ago rama diba niyadi na bi ya rofu deyaka. Ina ka mokena vari gira aeyadi ya na nifeideyo.

John 3:13

Ma amiye yokoi yaku omari de boyo, idu yokoi maka bi oma gutuna deyo; mina bi Amiye di mida maka.”

John 6:32

Kamini Iesu ina vene rofu niyo, “Rama iniye ya nida, bi diya Moses kaere bi omari beredi ya maro, idu nai Baba yaku omari gutuna beredi rama ya mado.

John 6:38

Adina omari gutuna soka rei deyaka bi diya na kaya nai ura regika, idu kaere na nifeideyo amiye ini ura regika.

John 6:41

Ye Jew vene yaku ina rofu mumugu nigamadi, di ini adina niyo, “Na bi omari gutuna deyo beredi.”

John 6:48

Na bi vegu di beredi.

John 6:50

Idu omari gutuna deyo beredi bi makai: ye amiye yokoi irigo bi de muyego.

John 6:58

Omari gutuna deyo beredi bi mini; yi tutubena vene yaku irigamadi kana de. Irisi muyeyadi. Idu kaere mina beredi irigo bi toga toga ameibobigo.”

John 8:42

Ma niyo, “Sei bi yi Baba vonisi, bi na rofu uka maragadu, adina na Sei rofu deyaka ma gua na mini. Naike nai vava dudu soka de reyaka, idu na nifeideyo.

1 Timothy 1:15

Iesu Keriso bi vegu no rededi vene moi vegu rigika kono tora noibanuri deyo; mina ago rofu mokena vari gira aesi ni vau rei masifa bi rama, ma na bi vegu no iniye rena amiye, amiye idana de kana mini.