John 5:34 - Sei di Uka Ago Ruaka di Buka Bedakai

³⁴ Idu na beika reida di niogau rena ago bi diya amiye rofu, ye ya vene moi vegu riyainedi rofu mina ago nida.

John 5:34 ပူးပေါင်းရင်းမြစ်များ

Luke 13:34

“Jerusalem taoni vene o! Ya vene yaku Sei di ago niyadi vene umuyesi Sei ya rofu nifeideyo vene fore dudu uyadi. Uru gokaisanu yi mida mida egogo regi ura regamaka, kokoro kosini yaku ini mida ini eta gabireri bou rido kana, idu ya vene bi na gedu magamadi!

Luke 19:10

Adina Amiye di mida bi boiyo reyadi vene maina rei baku resi moi vegu rigi deyo.”

Luke 24:47

Dada Keriso di roka dudu vegu no feresi moi etagae rina ma vegu no koite makuna di ago ouresi Jerusalem gutuna gagani gagani vene tauri disi nirausi rei diga boga reyagane.

John 20:31

Idu mina bura reyo, Iesu bi Keriso, Sei di mida mina rofu mokena vari gira aeyaine dada, ye yi mokena vari gira aena dudu ini rokari vegu moigedi.

John 5:32

Idu amiye yokoi yaku na beika reida rofu niokudo, ma na diba ina yaku na dada beika nido bi rama.

John 5:41

“Na bi amiye gutuna nai roka moi odoro rina bi maina de reida.

John 8:54

Kamini nikabai reyo, “Na kaya nai roka moi odoro rigida vonisi, bi de iniye iniye. Nai roka moi odoro rido amiye bi nai Baba, kaere bi yi Sei vo nidedi mini.

Rome vene 10:1

Usika ourena, nai uka meko dudu, ura resi Sei rofu usa usa nida, ye ina vene bi moi vegu riyaganedi!

Rome vene 10:21

Idu Israel vene fafau yomakai niyo, “Meda doba ideri de neidesi ruda rededi vene rofu nai vana moi roto rigamaka.”

Rome vene 12:21

Vegu no yaku ga ya ebu reyaine, idu vegu buni buni dudu vegu no moi ebu re.

Rome vene 3:3

Ye bedakai yaku mokena vari gira de aeyadi vonisi, bi beika? Ini mokena vari gira de aena bi Sei di vegu rama rena moi koina nigo ba?

1 Corinth vene 9:22

Yau niyadi vene rofu yau nina amiye kana niyaka, ye yau niyadi vene moi yova rigida dada. Amiye tau noibanu rofu beika baika tau kana niyaka, ye beika baika dudu bedakai moi vegu rigida dada.

1 Timothy 4:16

Ya kaya yi vegu amena ma ago oteimana toga toga nari rei mona re. Adina makai rebigiyari, ya kaya ma yi ago neidededi vene bi moi vegu rigiya.

1 John 5:9

Amiye niokudedi ago bi moi gira risifa, idu Sei di niokuna ago bi isivaga iniye, adina Sei di niokuna ago bi ini Mida fafau niokudo.