John 4:34 - Sei di Uka Ago Ruaka di Buka Bedakai

³⁴ Ma niyo, “Nai iruku bi nai Baba, kaere na nifeideyo amiye, di ura resi ini moimai rei vau regida.

John 4:34 ပူးပေါင်းရင်းမြစ်များ

Matthew 26:39

Kamini inaike etagae risi ini seira konori raudai regasa usa usa niyo, “Nai Baba, ya rofu buni vonisi, mina esika esika di biyo bi na rofu moi etagae ri. Idu yi ura mina resi nai ura bi ga regiya.”

Matthew 3:15

Idu Iesu yaku nikabai reyo, “Ya eyouneida ye gua bi ya nida kana re. Mina ida dudu Sei di mokena rorobo tau gade bi moi rama aegifa.” Ye John yaku yo niyo.

Matthew 9:19

Ye Iesu ma ini usi dina vene dadisi ina usi boyadi.

Luke 15:10

Mina ida kana dudu ya nida, Sei di naivo naivo vima bi ada regedi amiye yokoi maka ini vegu no feresi moi etagae rido dada.”

Luke 19:10

Adina Amiye di mida bi boiyo reyadi vene maina rei baku resi moi vegu rigi deyo.”

Luke 2:49

Ma nikabai resi niyo, “Beika resi na maina rededi? Nai Baba di yavari ameida, bi ya ya diba ba ide?”

John 17:4

Na yaku konori yi roka moi odoro riyaka, adina moimai regi na maro bi mina rei vau reyaka.

John 19:28

Gabi mamo tau vakoi rei vau reyadi diba niyo, ye Sei di ago moi rama aeyaine dada, “Na bi koru vaiyaka,” vo niyo.

John 19:30

Waini viniga moigasa niyo, “Kamini koina niyo!” Mina nisi kuri agu risi ini vima maro.

John 4:32

Idu ina vene rofu niyo, “Nai irina iruku bi ya vene ya toto.”

John 5:30

“Na kaya di vava dudu bi beika yokoi de regida; Sei yaku beika na nido kana makai kota reida, ye nai kota rena bi rama, ini adina na yaku beika regi reida bi na kaya di ura regika de, idu kaere yaku na nifeideyo di ura dudu maka.

John 5:36

Nai niogau rena ago yaku John di ago ebu reyo. Adina vegu regi Baba na maro, mina reida ma mina niogau rededi, Baba bi na nifeideyo dada.

John 6:33

Adina Sei di beredi bi kaere omari gutuna desi kono tora noibanu vene vegu mado.”

John 6:38

Adina omari gutuna soka rei deyaka bi diya na kaya nai ura regika, idu kaere na nifeideyo amiye ini ura regika.

John 8:29

Ma kaere na nifeideyo amiye bi nasa mini; na ferei tavoi de reyo, adina beika ini uka moi ada redo, mina bi toga reida.”

Moimai di vegu 20:35

Beika baika tauri resifa ya oteimaraka, makai moimai gira dudu kaere yau nidedi vene aedefo. Ma mokefo Iesu Varika amiye iniye di ago niyo kana, ‘Mana rofu bi yi ada tora nigo, ma moina rofu bi keika nigo.’ ”

Hebrew vene 12:2

Resi Iesu rofu vei mona renadi, kaere bi uni mokena vari gira aena di kora resi moi rorobo iniye redo amiye. Ina bi gabi ada rego mina rofu, satauro di esika are rei gira resi maena rofu mokena tora de aesi Sei di ourefeidena amena fata di vana rama eta rofu ameinu reyo.