John 4:1 - Sei di Uka Ago Ruaka di Buka Bedakai

¹ Pharisee vene neideyadi Iesu bi usi dina vene tau gade moisi babatiso reyo, idu John bi tau de.

John 4:1 ပူးပေါင်းရင်းမြစ်များ

Luke 1:76

Ma ya, nai mida, bi Sei Odoro iniye di ago nido amiye, vo nibigedi, adina ya bi Varika amiye ouresi dibigiya, resi ini ida dogo regiya.

Luke 19:31

Ye amiye yokoi yaku ya nikaitego beika resi ini maena younededi vo nigo vonisi, bi nifa, ‘Varika amiye yaku ura redo dada.’ ”

Luke 19:34

Nikabai resi niyadi, “Varika amiye yaku ura redo dada.”

Luke 2:11

Adina gua mina mida, David di taoniri, ya vene di Moi vegu rina amiye sena vata niyo. Mina bi Keriso Varika amiye!

Luke 7:13

Varika amiye yaku veyori, bi iriyeduka resi niyo, “Isaka ga ni.”

Luke 7:19

Varika amiye rofu nifeideyo ma bosi nikaiteyadi, “Ya bi dego amiye o amiye yokoi tua regifa ba?”

John 3:22

Mina usi Iesu ma ini usi dina vene Judea gagani eta rofu boi neyadi, ye mironari ina venesa amesi babatiso regamo.

John 3:26

John rofu baesi niyadi, “Oteimana amiye, mina amiye kaere bi yasa Jordan koru di berou eta rofu ma ya yaku ini ago niokuyo, gua ina bi amiye babatiso redo, ma amiye tau gade bi ina rofu bodedi!”

Moimai di vegu 10:36

Ya ya diba beika ago Israel vene rofu nifeidesi uka amuta di ago buni Iesu Keriso rofu nirausi reyo, kaere bi una tau vakoi di Varika amiye.

1 Corinth vene 1:17

Adina Keriso yaku babatiso regi de na nifeideyo, idu bi Sei di ago buni nirausi regika, diya amiye di mokena vabara di ago dudu, makai dudu bi Keriso di satauro odorori muyena bi vava de kana nigo baebu.

1 Corinth vene 15:47

Ouresi amiye bi kono gutuna baeyo, budoka dudu riyo; gabi amiye bi oma gutuna deyo.

1 Corinth vene 2:8

Gua ari di ourefeidena vene yokoi mina toto, adina diba niyagadu vonisi, bi vabara nufa Varika amiye satauro ikoko de reyagadu.

2 Corinth vene 4:5

Adina beika ago nirausi resifa bi diya una dada, idu Iesu Keriso bi Varika amiye mina, ma una uniye Iesu dada, yi moimai rei tavoi resifa vene kana niyafa.

James 2:1

Nai usika ourena, uni Varika amiye Iesu Keriso, ini vabara torari, ina rofu mokena vari gira aedediri, amiye bedakai rofu maka buni ga refa, idu amiye tau rofu.

Niokuna sina 19:16

Ini varuka doba ma ini vadema fafau bi roka “kini vene di Kini ma varika vene di Varika amiye” bura reyo.