John 21:19 - Sei di Uka Ago Ruaka di Buka Bedakai

¹⁹ (Mina nigamo bi Peter ini gokai muyesi Sei di roka moi odoro rigo oteimagi.) Mina nisi ka niyo, “Na usi bae!”

John 21:19 ပူးပေါင်းရင်းမြစ်များ

Matthew 10:38

Ma kaere amiye ini satauro de uakaisi na usi baego, bi na usi dina egere de.

Matthew 19:28

Ma Iesu yaku ina vene rofu niyo, “Rama ya nida, kono beika tau moi ruaka rigedi medari, Amiye di mida ini vabara di ourefeidena amena fata fafau ameinu regori, ya kaere na usi diyadi ka makai ourefeidena amena fata 12 fafau ameinu resi Israel vene di rubu 12 ourefeidegedi.

Matthew 8:22

Idu nikabai resi niyo, “Muyena vene ferei kumo ini muyena iniye moi guri aeyagane ma ya bi na usi bae.”

John 12:26

Amiye yokoi na rofu naivo rego vonisi, bi na usi baeyaine; ma goina sanari amegida, ina ka amego. Amiye yokoi na rofu naivo rego vonisi, nai Baba yaku moi kikifa rego.

John 12:33

(Makai niyo bi beika ida dudu muyego ina rofu oteimaro.)

John 18:32

(Mina bi Iesu di ago moi rama aeyo; ini ago niyo bi amiye oteimaro ina bi gokai muyego bi.)

John 21:18

Rama iniye ya nida, ya goduari bi ya kaya farasi resi goidu digi ura regamo bi digamo. Idu ugava nigasa vana roto rigiya, ma amiye be ya farasi resi bi goidu digi ura de regiyari, bi ya afei digedi.”

John 21:22

Kamini nikabai reyo, “Vegu amebigo mamo na baegida mina ura regida vonisi, bi ya rofu bi gokai? Na usi bae!”

Philippi vene 1:20

Na uka mokena dudu amutegida bi maena de iniye regida, idu yeiva tora dudu, gua ma toga toga nai roaitari Keriso nivava regida, veguri ma muyenari.

2 Peter 1:14

Na na diba doba de muyegida, ini adina bi uni Varika amiye Iesu Keriso yaku sena na niyo.