John 20:19 - Sei di Uka Ago Ruaka di Buka Bedakai

¹⁹ Fura di ourena meda uriyenauri, ini usi dina vene bi egogo sanari ida birisi ae gira resi ideri amegamadi, Jew vene rofu ori reyadi dada. Ye Iesu baesi ini utari are resi niyo, “Uka amuta bi yasa ameyaine.”

John 20:19 ပူးပေါင်းရင်းမြစ်များ

Matthew 10:13

Mina yava vene bi buni vonisi, yi uka amuta bi mina yavari amego; idu buni de vonisi, bi yi uka amuta maro bi dairi moigedi.

Matthew 18:20

Adina goinari amiye remanu o regode nai rokari egogo regedi, na bi inasa mironari.”

Mark 16:14

Gabi rofu Iesu di amiye 11 iruku irigamadiri, bi ina rofu ogau niyo; ago gira maro mokena vari gira aeyaganedi. Ada gira regasa Iesu dadi rae reyo ma veyadi vene rofu mokena vari gira de aeyadi.

John 14:27

“Na yaku uka amuta yasa fereida; bi nai uka amuta ya maida. Mina ya maida bi mina kono vene yaku madedi kana de. Yi uka moi kenoka ga resi ori ga refa.

John 16:22

Mina resi ya ka gua iriyeduka rededi, idu dudusa ya vegida ma yi ukari ada regedi; amiye yokoi yi ada rena ya rofu moi etagae de rigo.

John 16:33

Mina ago ya rofu niyaka, ye na dudu uka amuta baku regedi dada. Konori esika esika iniye moigedi. Idu yi uka moi gira rifa; na yaku kono di vegu ebu reyaka dada!”

John 20:21

Ma dudusa niyo, “Uka amuta bi yasa. Baba yaku na nifeideyo kana, na ka ya nifeideida.”

John 20:26

Gabi fura yokoi koina niyori, ini usi dina vene bi dudusa yava ideri amegamadi ma Thomas bi inasa. Bi yava ida biri risi ae gira reyadi, idu Iesu ini utari baesi are resi niyo, “Uka amuta bi yasa.”

John 21:1

Mina usi Iesu dudusa ini usi dina vene rofu Tiberias moka daidai tora adinari ogau niyo. Mina bi yomakai vata niyo:

John 21:14

Mina bi uru regode Iesu ini usi dina vene rofu ogau niyo ini muyena gutuna rae rena fufutari.

John 7:13

Jew vene rofu ori reyadi, ye amiye yokoi yaku ina dada ago de niokugamo.

Moimai di vegu 1:3

Ini esika esika moiyo fufutari, bi vegu nisi ari yokoi yokoiri meda 40 ideri ini vene rofu baesi ogau nigamo. Rama iniye baesi ogau nigamo dada mina vegamadiri, bi mokei anua de reyadi; rama ina bi dudusa vegu nisi ina vene rofu Sei di ourefeidena amena sana di vegu mina nioteimagamo.

Rome vene 15:33

Ye uka amuta di Sei bi ya tau noibanusa amebiyaine. Rama.

1 Corinth vene 15:5

Peter rofu siko ogau nisi ini nifeidena vene 12 rofu ka ogau niyo.

Ephesus vene 2:14

Adina mina vene remanu moi yokoi maka risi ini roaita dudu, ruda rena di tobo di okuna kota uratokuyo. Ye ina bi uka amuta una maro.

Ephesus vene 6:23

Baba Sei ma Varika amiye Iesu Keriso yaku usika ourena uka amuta ma uka mana mokena vari gira aenasa maraine.

Philippi vene 1:2

Uni Baba Sei ma Varika amiye Iesu Keriso di buni tora gade ma uka amuta ya maragane.

2 Thessalonica vene 3:16

Varika amiye iniye, kaere bi uka amuta di adina, bi ari neinei ida yokoi yokoi dudu uka amuta ya maraine. Varika amiye bi ya vene tausa.

Hebrew vene 7:2

ma ini ruda regasa moiyo, beika baika moi bosi berou berou 10 ri yokoi maka maro. (Ouresi mina amiye di roka di adina bi “Mokena rorobo di kini”; ma ka bi Salem di kini, ini adina bi “Uka amuta di kini”.)

3 John 1:14

Nai uka mokena bi agiya aineka ya vesi ago nigida.

Niokuna sina 1:4

Na John yaku dubu 7 Asia gaganiri rofu bura reida: Amiye kaere amedo ma ameyo ma amego, ma vima 7, kaere bi ini ourefeidena amena fata di budari amededi, bi buni tora gade ma uka amuta ya mado.