John 19:6 - Sei di Uka Ago Ruaka di Buka Bedakai

⁶ Mina dada Sei ma amiye utari naivo vene di varika vene ma naivo naivo vene vegasa imuna niyadi, “Satauro ikoko re, satauro ikoko re!” Idu Pilate yaku niyo, “Ya kaya moisi satauro ikoko refa; na bi vegu no yokoi ini ideri baku de reyaka dada.”

John 19:6 ပူးပေါင်းရင်းမြစ်များ

Matthew 26:58

Ma Peter bi beika vata nigo mina vegika egaima risi usi disi Sei ma amiye utari naivo amiye tora di yava ida nefau dui resi nari rededi venesa ameinu reyo.

Matthew 27:22

Ma nikaiteyo, “Mina dada bi beika Iesu, Keriso vo nidedi, ina rofu regida?” Ina tau vakoi yaku niyadi, “Ina bi satauro ikoko reyaine!”

Matthew 27:24

Kamini veyo beika yokoi de rego ma siboroka regi kora reyadiri, koru moisi amiye tau di nemokori ini vana koitesi niyo, “Mina amiye di muyena bi nai vanari de; mina bi yi vanari amedo!”

Luke 23:4

Ma Pilate yaku Sei ma amiye utari naivo vene di varika vene ma amiye tau rofu niyo, “Mina amiye rofu no yokoi baku rena de reida.”

John 18:3

Kamini bi iya vene tau, Sei ma amiye utari naivo vene di varika vene, ma Pharisee vene di naivo vene bedakai afesi baeyadi; bi ramefa, keroko, ma ora mari moisi mironari boyadi.

John 18:31

Kamini niyo, “Ya kaya moisi yi ago gira dudu ini vegu no kota refa.” Ye niyadi, “Uni ago gira dudu bi amiye yokoi ga umuyeyagane.”

John 18:38

Ma Pilate nikaiteyo, “Ago rama bi beika?” Mina niyo usi dairi etofaro nesi Jew vene rofu niyo, “Na bi mina amiye ideri vegu no yokoi de baku reyaka.

John 19:15

Idu imuna niyadi, “Afei bosi satauro ikoko re!” Ye nikaiteyo, “Na bi yi kini satauro ikoko regida ba?” Ye Sei ma amiye utari naivo vene di varika vene nikabai reyadi, “Uni kini bi Caesar maka!”

John 19:4

Ma Pilate dudusa desi niyo, “Vefa kumo, na yaku ya rofu afei yaku deida, ye vegu no ini ideri yokoi de baku reyaka diba niyagane dada.”

Moimai di vegu 2:23

Sei yaku ini mokena dudu bi sena yo niyo, Iesu ya vene di vanari aego bi; ya vene yaku vegu no vene di vanari aegedi ma sataurori ikoko regedi di.

Moimai di vegu 7:52

Yi tutubena vene yaku goina Sei di ago niyo amiye rofu esika esika de maradi ba? Sei di ago moi raga regamadi vene umuyegamadi, kaere bi ina vene rofu yaku sena ni digamadi bi ini Mokena rorobo amiye dego, mina resi gua bi ya vene yaku ini siri resi umuyena vene niyadi.