John 17:11 - Sei di Uka Ago Ruaka di Buka Bedakai

¹¹ Ma na gua konori de amegida, idu ina vene bi konori amededi ma na ya rofu bae neida. Baba kikifa, yi roka di vava dudu nari re—mina roka na maro—ye yokoi maka niyaganedi, una yokoi maka kana.

John 17:11 ပူးပေါင်းရင်းမြစ်များ

Matthew 10:16

“Mokefa; na yaku mamoe kana sufa gadeva auna di fogori ya nifeideida. Ye aruma kana mokei mona resi pune erena kana ave nifa.

Matthew 5:48

Mina dada yi Baba omari bi rorobo iniye maka kana ya vene ka rorobo iniye maka dudu ameyaganedi!

Matthew 6:9

Mina dada yomakai usa usa nifa: ‘Uni Baba omari ameisa amiye: Yi roka bi kikifa iniye;

John 13:1

Ferei ebu rena irakuna okina koderi, Iesu diba niyo ini meda bi okiyo mina kono feresi ini Baba rofu bogi, ye metonari ini konori ameyadi vene uka maro.

John 13:3

Ye Iesu bi diba niyo ini Baba yaku beika baika tau vakoi ini vava gabireri aeyo, ma bi Sei rofu deyo ma Sei rofu dairi bogo.

John 14:20

Mirona medari ya yaku diba nigedi na bi nai Baba ideri, ma ya bi na ideri ma na bi ya ideri.

John 16:28

Na Baba gutuna desi konori dui reyaka, ye gua kono feresi nai Baba rofu digida.”

John 16:33

Mina ago ya rofu niyaka, ye na dudu uka amuta baku regedi dada. Konori esika esika iniye moigedi. Idu yi uka moi gira rifa; na yaku kono di vegu ebu reyaka dada!”

John 17:23

Na ina venesa ma ya nasa, mina dada ina bae yokoi maka rei vau nigedi, ye mina kono vene yaku diba nigika ya yaku na nifeidesi ina vene uka maro, na uka maro kana.

John 17:25

Baba e, ya mokena rorobo amiye, mina kono vene ina ka toto ya, idu na na diba ya, ma mina vene diba ya yaku na nifeideyo.

John 17:6

“Na yaku kaere vene mina konori ya na maro, ina rofu yi roka moi ogau riyaka. Ina vene bi yi, ma na rofu maro, ma yi ago neideyadi.

John 7:33

Ye Iesu niyo, “Na yasa bi de amei doba regida; gabi kaere na nifeideyo amiye rofu dairi digida.

Moimai di vegu 3:21

Oma ideri amei bogo, ini meda beika baika moi ruaka rigi baego kumo, Sei yaku ini senagi senagi ago nidedi vene kikifa di vena dudu niyo kana.

Rome vene 12:5

Ye una bi tau, idu Keriso ri, bi roaita yokoi maka, ye una tau vakoi uniye uniyesa bi mina roaita yokoi maka di teteka.

Rome vene 9:17

Adina Sei di ago yaku Pharaoh rofu makai niyo, “Ye mina nirorotari rena ago rofu ya moi kini reyaka, nai vava ya ideri oteimagida dada, ma kono tora noibanuri nai roka nirausi reyaine.”

1 Corinth vene 1:10

Kamini uni Varika amiye Iesu Keriso di roka dudu, usika ourena ya egira reida, ya vene tau noibanu ya kaya ya kaya ago moi yokoi maka risi yi utari okuna ga reyaganedi, idu mokena ma ura yokoi makari gobuno reyaganedi.

Galatia vene 3:28

Bi Jew vene ma tutubena idana vene bi idana yokoi de; bi moimai rei tavoi redo amiye ma erufuna amiye bi idana yokoi de; bi rema ma rumana bi idana yokoi de, adina ya amiye tau gade bi Iesu Keriso ideri yokoi maka.

Ephesus vene 4:4

Roaita bi yokoi maka ma vima ka yokoi maka, ye Sei ya raka niyori, bi uka mokena yokoi maka rofu ka raka niyo.

Philippi vene 2:9

Ye Sei yaku moi odoro iniye risi roka bi roka tau gade odoro iniye mina maro.

Hebrew vene 1:3

Ina yaku Sei di vabara kikisi Sei iniye ogau nisi ini ago vava dudu beika baika tau vakoi moi gira redo. Uni vegu no koitesi bi omari Odoro iniye amiye di vana rama eta rofu ameinu reyo.

Hebrew vene 9:24

Adina Keriso bi mina beika baika rama di vima amiye vana yaku riyadi sana kikifa iniyeri dui de reyo, idu Sei di nemokori una dada oma ramari dui reyo.

James 4:4

Ya bi koa rededi vene kana! Ya diba ba de, kaere mina kono tora di asini nigo vonisi, bi Sei di tuma amiye? Mina resi kaere ina ura rego, ina bi mina kono tora di asini, iniye moisi Sei di tuma amiye niyo.

1 Peter 1:5

Mina bi ya rofu, yi mokena vari gira aena dudu, Sei yaku ini vava dudu nari rei mona redo ma yi moi vegu rina di ari di metonari, ya rofu ogau nigi dogo reyo.

1 John 3:12

Cain yaku reyo kana bi ga renadi. Ina bi amiye no di, ma ini usika Abel umuyeyo. Beika resi umuyeyo? Adina ini vegu bi no ma ini dubuini di vegu bi mokena rorobo nufa.

1 John 5:19

Una una diba una bi Sei di mida mida, ma mina kono tora noibanu di vene bi amiye no di vava gabireri raga rededi.

Jude 1:1

Mina bura bi na Jude, kaere bi Iesu Keriso di moimai rei tavoi reida amiye ma James di dubuini gutuna — Mina bi Sei raka niyo vene rofu, ma kaere Baba Sei uka mado ma Iesu Keriso nari redo.

Jude 1:24

Vabara ina rofu nigo, kaere yaku keto renari ya moi are rego ma ada tora gade dudu, ini vabara iniye di budari, goina bi yi no yokoi de minari ya aego.

Niokuna sina 15:4

Varika amiye, kaere amiye ya ori de rego? Kaere amiye yi roka moi odoro de rigo? Adina ya maka bi kikifa. Ye gagani gagani vene tau noibanu baesi yi nemokori ya nivakegedi, amiye tau noibanu yaku yi vegu rorobo bi oteimaro ma veyadi dada.”

Niokuna sina 19:12

Ini nemoko bi ita yama yama redo kana ma ini ada fafau bi kini kana ada bou tau. Ini roka ina fafau bura reyo, idu amiye yokoi toto; ina maka diba mina.

Niokuna sina 4:8

Mina vegu amededi vibani 4, ina yokoi yokoi ini eta 6 ma ini ideri ma ini etofarori nemoko tau bou riyadi. Ariri ma urusari toga toga nigi ferena de regamadi: “Varika amiye Sei yeiva iniye bi kikifa iniye iniye, kaere amedo ma ameyo ma amego.”