John 16:5 - Sei di Uka Ago Ruaka di Buka Bedakai

⁵ Idu gua na bi kaere na nifeideyo amiye rofu digida, idu ya yokoi de nikaitedo, ‘Bi goidu disa?’

John 16:5 ပူးပေါင်းရင်းမြစ်များ

John 13:3

Ye Iesu bi diba niyo ini Baba yaku beika baika tau vakoi ini vava gabireri aeyo, ma bi Sei rofu deyo ma Sei rofu dairi bogo.

John 13:36

Simon Peter yaku niyo, “Varika amiye, ya bi goinari disa?” Ma nikabai reyo, “Nai goinari dida, gua bi na usi baegi anua regiya, idu gabi na usi baegiya mironi.”

John 14:28

Ya rofu niyaka, ‘Na bi disi gabi dairisi ya rofu degida’ ma neideyadi. Ya na rofu uka maragadu vonisi, ya bi ada reyagadu, adina nai Baba rofu bogida, bi isivaga iniye na kana de dada.

John 16:10

mokena rorobo dada, adina nai Baba rofu digida, ma dudusa de na vegedi;

John 16:16

“Doba deri de na vegedi; ma gabi doba deri dudusa na vegedi.”

John 16:17

Ye ini usi dina vene be iniye iniye niyadi, “Mina bi beika una rofu nido, ‘Doba deri de na vegedi, ma gabi doba deri dudusa na vegedi’; ma, ‘adina nai Baba rofu digida’?

John 16:28

Na Baba gutuna desi konori dui reyaka, ye gua kono feresi nai Baba rofu digida.”

John 17:13

Na ya rofu baegida, ye konori mina ago nida, ye nai ada rena tau gade bi ini uka ideri moi vata baeyaganedi.

John 17:4

Na yaku konori yi roka moi odoro riyaka, adina moimai regi na maro bi mina rei vau reyaka.

John 6:62

Idu Amiye di mida sena ameyo sanari dairi bogo mina vesi bi beika mokegedi?

John 7:33

Ye Iesu niyo, “Na yasa bi de amei doba regida; gabi kaere na nifeideyo amiye rofu dairi digida.

Hebrew vene 1:3

Ina yaku Sei di vabara kikisi Sei iniye ogau nisi ini ago vava dudu beika baika tau vakoi moi gira redo. Uni vegu no koitesi bi omari Odoro iniye amiye di vana rama eta rofu ameinu reyo.

Hebrew vene 12:2

Resi Iesu rofu vei mona renadi, kaere bi uni mokena vari gira aena di kora resi moi rorobo iniye redo amiye. Ina bi gabi ada rego mina rofu, satauro di esika are rei gira resi maena rofu mokena tora de aesi Sei di ourefeidena amena fata di vana rama eta rofu ameinu reyo.